هێزە دیموکراتیکەکانی ئەوروپا (ئادەگەب) بە بەیاننامەیەکی نوسراو داوای بەشداری ڕێپێوانی شەرمەزارکردنی ساڵیادی قەدەغەکردنی پەکەکەیان کرد کە لە ١٨ی ئەم مانگە لە بەرلینی پایتەختی ئەڵمانیا بەڕێوەدەچێت.

ئادەگەب ڕایگەیاند کە دەوڵەتی ئەڵمانیا  ٣٠ ساڵە بە شێوەیەکی نایاسایی پەکەکەی قەدەغە کردووە و بەم شێوەیە بەردەوام بوو: "ئەم کارە زیان بە دیموکراسی و یاسا ناونەتەوەییەکان دەگەیەنێت. ئەڵمانیا پشتیوانی ئەردۆغان دەکات و ئەویش لە ناوخۆ و لە دەرەوە هێرش دەکاتە سەر گەلی کورد. لە مانگی تیشرینی دووەمدا ئەردۆغان دێتە ئەڵمانیا و لەگەڵ فرانک واڵتەر ستاینمایەر سەرۆکی ئەڵمانیا و ئۆلاف سچۆڵز سەرۆک وەزیرانی ئەڵمانیا کۆدەبێتەوە. ئێمە دەزانین کە ئەردۆغان لەم سەردانەدا خاوەن بەرژەوەندییەکی فرەلایەنە.

ئادەگەب دەستنیشانی کرد کە بەبۆنەی ئەم ساڵیادە ١٨ی ئەم مانگە ڕێپێوانێکی جەماوەری بەڕێوەدەچێت و بەم شێوەیە بەردەوام بوو: پێشوازیکردن لە ئەردۆغان لە ڕێپێوانەکەدا شەرمەزار دەکرێت. بەشداریکردن لە ڕێپێوانەکەدا باشترین وەڵام دەبێت بۆ ئەردۆغان لە دژی سیاسەتەکانی ئیستغلال، ستەم و شەڕ. ئێمە داوا لە هێزە دیموکراتیکەکان دەکەین کە لە ١٨ی ئەم مانگەدا بەشداری ڕێپێوانی بەرلین ببن.