هاوسەرۆکایەتی ئینستیتیوتی کوردی سویسرا، بە هۆی کۆچی دوایی فەوزی ئۆزمەن، سەرۆکی ئینستیتیوتی کوردی ئەڵمانیا، پەیامێکی سەرەخۆشی بڵاوکردەوە، کە تێیدا ھاتووە، "مامۆستا فەوزی ئۆزمەن، ساڵانێکی زۆر کار و خزمەتی گەورە و بەنرخی بە زمانی کوردی کرد".

دەقی پەیامەکە بەم شێوەیەیە:

"بە ناوی بەڕێوەبەری ئینستیتیوتی کوردی سویسرا، بە خەم و پەژارەوەین بۆ کۆچی دوایی مامۆستا فەوزی ئۆزمەن. مامۆستا فەوزی ئۆزمەن ساڵانێکی زۆر وانەی زمانی کوردی وتەوە، کتێبی لەبارەی ڕێزمانەوە نووسی و تا کۆتایی تەمەنی لەسەر زمانی کوردی کار و خزمەتی بەنرخی کرد. خۆشەویستی و جوانی زمانی کوردی وەک ڕووبارێک لە دڵیدا دەخرۆشا، بەڵێن دەدەین خاوەنداری لە خۆشەویستی بێکۆتایی ئەو بکەین، سەری ڕێز و نەوازش بۆ ڕۆح و گیانی دادەنوێنین، پرسە و سەرەخۆشی خۆمان ئاراستەی گەلی کورد، خۆشەویستانی، دامەزراوە پەیوەندیدارەکان و بنەماڵەکەی دەکەین. بە ھیوای ئارامگرتن و دڵنەوایی."

ژ.ن