ژمارەی کوژراوانی غەززە گەیشتە ٣٩ هەزار و ٣٦٣ کەس
وەزارەتی تەندروستی غەززە کە سەر بە حکومەتی حەماسە، ڕایگەیاند، بەهۆی هێرشەکانی ئیسرائیلەوە کە نزیکەی ١٠ مانگە بەردەوامە، ژمارەی ئەو کەسانەی گیانیان لەدەستداوە گەیشتووەتە ٣٩ هەزار و ٣٦٣ کەس.
وەزارەتی تەندروستی غەززە بڵاویکردەوە، لە شەڕی دوای هێرشی حەماس بۆ سەر ئیسرائیل لە 7ی تشرینی یەکەم، لە نزیکەی ١٠ مانگی ڕابردوودا، لانیکەم ٣٩ هەزار و ٣٦٣ کەس کوژراون.
هەروەها وەزارەتەکە ئاماژەی بەوەشکردووە، لە ماوەی ٢٤ کاتژمێری ڕابردوودا لانیکەم ٣٩ کەس گیانیان لەدەستداوە و لە ٧ی تشرینی یەکەمی ساڵی ڕابردووەو ٩٠ هەزار و ٩٢٣ کەس لە غەززە برینداربوون. وەزارەتەکە لەو ئامارەی کە ڕۆژانە بڵاویدەکاتەوە، هاوڵاتیانی مەدەنی لە هێزە چەکدارەکان جیا ناکاتەوە.
