هۆرامی

دوایین ھەواڵ

• تورکدۆغان: پېوەس بە پڕۆسەکەی گرەنتیی یاسایی مەرجا 

  هامواتەواچوو کۆمیسیۆنو یاسایی و مافەکا مرۆڤو دەم پارتی ئۆزتورک تورکدۆغان کە چنی شاندەکەی چنی وەزیرو دادی گلێربییۆ، واتش: "مەڵامەتوو سەختی مامەڵەکەردە و بیرۆکراسی دۆڵەتی ئانەن کە پرۆسەکە گەرەنتیێ یاسایش نییا."
• فەدا شێخ سەعیدش یاڎ ئاوردۆ 

  فەدا واتش: "ئێمە شێخ سەعید و هەمڕاکێش و ئەوەکۊشایشا کە سەدێوە چێوەڵی بە ناحەق کوشیې بەڕێزو پنەزانایۆ یاڎې مارمېوە و ئا زیهنیەتەی ئاڎێش کوشتې شەرمەزار مکەرمې".
• ١٢هەمین فیستیڤاڵو ساکینە جانسزێ دەسش پنەکەرد: ژەنی ژیوای ئازادی! 

  شارو زیوریخو سویسراینە، ١٢هەمین فیستیڤاڵو ساکینە جانسزێ دەسش پنە کەرد، فیستیڤاڵەکەنە کە زیاتەر جە ٢٠ ڕێکوزیایا ژەنا پێوەرە ئەنجامش مڎانە، پەیام "بە فەلسەفەو 'ژەنی ژیویا ئازادی' گلێرگەی دیموکراتیک بنیاڎ منیییەیمێ" دریۆنە.
• پاژک: مانگۊو حوزەیرانی مانگۊو ژەنە فیداییان 

  پاژک بە ڕێز و وەشەسیایی پنەزانایۆ، هەمڕا زیلانە (زەینەب کناجی)ەش یاڎئاوردۆ کە هێڵۊو فیداییش دەسپنەکەرڎە، هەرپاسە سەما و گوڵانەس یاڎې ئاوردې کە بیې بە شۊنکۊتې زیلانې، واتش: "مانگۊو حوزەیرانی جە ئەوەکۊشای ئازادیی ژەنامانە مانگۊو ژەنە فیداییانە."
• کۆنگرە ستار زیلانەش یاڎ ئاوردۆ 

  کۆنگرە ستار ئەرەیاۋناش: "زیلانە جە ڕاو جەنگەوانی ۋێشۆ، جە ڕاو جابەجێکەردەی ئەرکەکاش ۋەرا ۋەر بە گەلەکەیش، بە هەوڵەکاش پەی بنیاڎ نیای گلېرگەی دیموکراتیکی و ئەخلاقی و سیاسی و ئیکۆلۆژیی ئازادی، سەرجەنۆ ژیۋایش پێناسە کەرڎۆ".
• سووریانە تەرسەو تنڕەویی ئایینی ئینا زیاڎ بیەینە 

  ئەگەرو ئانەی هەن ئا گروپەی هرووژمەکەش پەی سەرو کەنیسەو مار ئیلیاسی جە دیمەشقەنە ئەنجامدا، چنی گروپە تنڕەوەکا تەری یۆگێرا. تەسەور مکریۆ ئا گروپە پێکئاما ئایینییەکا بکەرۊ ئامانج، جە مانگەی ۋېیەردێو پەنج دەگې عەلەویې هروژمشا کریان سەر.
• سوریانە ژەنی و زاوڵۍ کناچې عەلەویې مکریانە ئامانج 

  دماو ئا هرووژما سەرو عەلەوییەکا کە مانگۊو ئاداری جە سوریانە ڕووەشدا، حاڵەتەکې بڕفانای زیاڎشا کەردەن. جە تەرتوس، لازقیە و حەمانە بنەیانەکې نمەیارا زاوڵەکاشا بکیانە پەی ۋەننگەی.
• دیمەنو هرووژمو سوپاو تورکی بە چەکی قەڎەغەکریا جە دژو گەریلای 

  دیمەنێوە تۆمارکریاو هرووژمو سوپاو تورکی، کە جە ۋەرا ۋەرو مەڕەکا گەریلاینە نزیک بە دەگاو شێگرێی ئامێدی بە بەکارئاوردەی تەقەمەنی فرە بەهێزی قەڎەغەکریای ئەنجام دریان.
• ترەمپ: جە کاتێوە نزیکەنە ئاېێربەس جە غەزەنە ئەرەیاۋنمې 

  میدیاکې ئەمریکای وەڵاشا کەرڎۆ، دۆناڵد ترەمپو سەرۆکو ئەمریکای، فشارێوە فرەش جە بنیامین ناتانیاهۆی سەرۆکوەزیرانو ئیسرائیلی کەردەن پەی دمایی ئاردەی بە جەنگو غەززەی. حەماس ئامادەیش بەربڕیەن.
• قەرارێوە مەسڵەحەتو ترەمپینە بەرکریۆ؛ تەرسی پەی سەرو پەنابەرا 

  دادگاو باڵاو ئەمریکای مەسڵەحەتو دۆناڵد ترەمپی سەرۆکو وڵاتەکەینە قەرارێوەش بەرکەرڎ و بەپاو قەرارەکەی، چیولای حیچ دادوەرێوە نمەتاوۆ قەرارەکا ترەمپی ورسپارۆنە. چەمەڕا مکریۆ پی دەسکراوییۆ ترەمپ قەرارەکاش جە بارەو پەنابەراوە تنتەر بکەرۆ.
• دەم پارتی لەندەنەنە گلېرۊبیەیش چنی گەلی ئەنجام دا 

  هامسەرۆکو گرڎیی دەم پارتی تونجەر باقرخان جە گلېرۊبیەیشەنە چنی گەلی جە لەندەن واتش، 'گرنگتەرین هێزو تەڤگەرو ئازادی کوردی، هەنگامنیاین چنی گەلی.'، هەرپاسە جەخت جە ۋەرپرسیاری ژەنا جە بنیاڎنیای گلېرگەو دیموکراتیکینە کریاوە.
• گلېرۊبیەکې دەم پارتی جە ئەمریکانە بەردەوامێنې 

  شاندێوە دەم پارتی کە جە ٢٢ حوزەیرانیوە ئینا ئەمریکا، دەسش بە دیدارەکاش کەرڎ.
• سنوورو برادۆستینە بە مەڵامەتو ئەوەتەقای مینێوە کەسێوە گیانش جە دەسدا 

  بە مەڵامەتو ئەوەتەقای مینێوە پۊرەشەرە، جوانێوە (٢٢ ساڵ) کە ئەرەنیشتەو دەگاو خۆرانیا جە کوێسانەکا برادۆستینە گیانش جە دەسدان.
• چالاکا ژیۋگەی: پەنەوازا سەرەتا ئاشتی چنی سروشتی و ژیۋگەو کوردی بکریۆ 

  ئەنداماو ئەنجوومەنو ئیکۆلۆژیاو ئامادی کە ماچا "ئانې ئاشتی چنی ژیۋگەی نمەکەرا نمەتاوا ئاشتی چنی ئینسانی بەدیبارا" داواشا کەرڎ گرڎو ئا هەرمانا مردا کە بەنامې 'ئاساییش'یوە ئەنجام مڎریا.
• ترەمپ پلانەکێش پەی کەمکەردەیۆ سزاکاو سەرو ئێرانی هۊرشێونێوە 

  دۆناڵد ترەمپ سەرۆکو ئەمریکای ئاماژەش پانەیە دا، ڕەنگە ویر جە بۆمبوارانکەردەی سەرو ئێرانی بکەرۊوە، هەرپاسە پلانەو کەمکەردەیۆ سزاکاو سەرو ئێرانیش هۊرشاناوە.
• پەیامو کەجەکەی پەی ساڵیاڎو سەڎساڵەو سەرهۊردای ١٩٢٥و شێخ سەعیدی 

  کەجەکە شێخ سەعید و هەڤاڵاکێش یاڎ ئاورڎێوە و واتش: "گەلو کوردی بە سەرکۊتەی پەرە پی پرۆسەیە مڎۆ و ئەوەکۊشایې کە جە سەردەمو شێخ سەعیدیوە تا ئارۆ قوربانی گۊرەش پەی دریان ئەنجامگیر بۆنە و حەسرەتو ئازادی بەدەس مارۆنە."
• باقرخان بەریتانیانە دەسش بە گلێرۆبییەی کەرد 

  هامسەرۆکو دەم پارتی تونجەر باقرخان و شاندی یاوەرش بەریتانیانە دەسشا بە گلێرۆبییەی کەرد.
• پەرلەمانتار عەلی بۆزان: دۆزو کۆبانێ هۊرشێویاوە، دەمودەس هەڤاڵەکاما ئازاڎې بکەردې 

  پەرلەمانتارو دەم پارتی مێرسینی، پارێزنەر عەلی بۆزان هۊرسەنگنایش کەرد پەی قەرارەکا دۆزو کۆبانێ کە جە ٣٢ هەزار پەڕا پێکمې، واتش: "بە ڕسمی هۊرشێویاوە".
• شایەتحاڵێوە کۆمکوژییکا کۆبانێ: سەڎ ساڵێچ سەرشەرە بوېیەرۆ یاڎمانە نمەشۆ 

  چن مانگێوە دما بەدماو ئەرەیاۋنای ڕزگار بیەو، کۆبانێ جە سەرسەعبێوە ئێجگار تاریکەنە بەئاگا ئاما، جە ٢٥ حوزەیرانو ٢٠١٥ ینە داعش خەڵکی مەدەنیشا کەرڎ ئامانج، ڕزگاربیا کۆمکوژییەکەی ئا ڕوەیە بە 'ڕوێوە تاریک' نامې بەرا کە پەی هەمیشەی جە یاڎەوەریشانە مەنۊوە.
• هۆشداری دەفەگە و مەکەگەی جە بارەو ئا هەڕەشاوە کە سەرو زەینەب دورگوتۍ هەنې 

  جەمەو ڕۆنامەوانا دیجلە فوڕاتی (دەفەگە) ناڕەزایێوە تنش نیشانەدا ۋەرا ۋەر پا هەڕەشا کە سەرو ڕۆنامەوان زەینەب دورگوتې هەنې. هامکات جەمەو ڕۆنامەوانا ژەنا میزۆپۆتامیای (مەکەگە) ئەرەیاۋناش بە گرڎ جۆرێ ئینایمې چنی هامپیشې و ڕۆنامەوانې زەینەب دورگوتې.
• بە قسې خامنەیی، ئێران بە سەرکۊتەی جە جەنگەکەنە زیانەرە 

  عەلی خامنەیی، ڕابەرو باڵاو ئاینی ئێرانی بانگەشەو ئانەیش کەرڎ کە ئێران جە دژو ئیسرائیلی سەرکۊتەیش بەدەس ئاورد و ئەرەیاۋناش، ئەمریکا 'گورزێوە قورس'ەش ۋەرکۊتە.
• جەنگو ئێران-ئیسرائیلی؛ جە ماوەو ١٢ ڕوانە ٦٢٧ کەسې عەمرەو خوڎایشا کەرڎە 

  وەزارەتو تەندروسیی ئێرانی ئەرەیاۋناش جە ماوەو ١٢ ڕوا ۋېیەردەینە جە ئاکامو هرووژمەکا ئیسرائیلینە لاوکەمیۆ ٦٢٧ کەسې عەمرەو خوڎایشا کەرڎێنە ، چوار هەزارې و ٨٧٠ کەسێچ زامڎارې بیێنې.
• ئیدارەو وېڕاوەبەری شەنگالی: پەدەکە هەوڵمڎۆ دەنگو شەنگالییەکا بسانۆ 

  ئیدارەو وېڕاوەبەری شەنگالی بە ئەرەیاۋنێوە ئاگایش دا سەبارەت بە گەمەکا پەدەکەی جە شەنگالەنە کە پېوەس بە هۊرچنیەکا عێراقی گێرتەنشەنە ۋەر و ئاماژەش پانەی دا پەدەکە ئینا هەوڵو سانای دەنگو شەنگالییەکانە.
• جە ماوەو ١٢ ڕوا جەنگینە ٧٠٠ کەسې جە ئێرانەنە باڵبەسې کریێنې 

  بەگۋېرەو میدیاکاو ئێرانی، جە ماوەو ١٢ ڕوا جەنگینە چنی ئیسرائیلی ٧٠٠ کەسې بە تۊمەتو 'هەرمانکەرڎەی چنی مۆساد'ی باڵبەسې کریێنې.
• بۊنەو ڕۊچې موحەڕەمیوە هەدەکە پەیامێوەش وەڵاکەرڎۆ 

  کۆنگرەو دیموکراتیکیی گەلا (هەدەکە)، بۊنەو ڕۆچې موحەڕەمیوە کە جە لایەنو گلېرگەو عەلەوی و شیعەی (جەعفەری)ـیوە دەسشپنەکریان و ١٢ ڕوې بەردەوام بۆ، ئەرەیاۋنێوەش وەڵاکەرڎۆ.