سەرسەبای ئارۆ ٤ شەممەی، جە دووەم ڕۆو جەژنێنە باڵەپڕە جەنگییەکێ تورکیای بۆردومان-و دەگاو مێرگەڕەش-و سەر بە برادۆستیشان جە کوردستانی وارین کەردەن و جە ئاکامشەنە ۳ پێشمەرگۍ بریندارێ بیێنۍ. 
زانیان، ۳ پێشمەرگەکە سەر بە هێزەکێ ۸۰یەنێ و دووێشان برێنێ بە نامەکێ (جەبار میکائیل و خۆشەوی میکائیل) و سەرجەمشان برینەکێشان سەختێنی و  (خۆشەوی میکایل) قاچش پڕان و تەندروستیش خراپەن و پەی چارەسەری ڕەوانەو سۆرانی کریێنۍ".
هاموەخت بۆردومانەکە زیانی فرەش بە ژیۋگەی یاونان و بەهۆشەوە ئێر کەوتەنەۋە و ڕووبەرێۋی فرە جە پووش و پەڵاش و دارستانەکێ ناوچەکەی سۆتێنێ.

۳ شەممەی ۋیەردە، جە زاخۆ سەربازە ئەرەگێرەکێ تورکیای جە یەکەم ڕۆو چەژنێنە بەبێهۆکار تەقەشان جە گەنجێۋی کوردی ئێزیدی کەردەبێ و کوشتەبێشان.