سەرسەبای ئارۆی، جە شارو ئامەدی سەر بە سەرنیشتو کوردستانی، هێزەکێ تورکیای داگیرکەری بەردەۋامێنێ جە بەلێشاۋ دەستگیرکەردەی هاموڵاتیان. جەی چوارچێۋەنە ئارۆ سەرسەبای هێزە ئەمنیەکێ ڕژێمی هورشانکۋان سەرو یاناو هاموڵاتیان و ۱ کەسێشان دەستگیرێ کەردێنێ، کە ٦شان زارۆڵێنێ.
دەستگیرکریێکێ بریێنێ ڕاوەبەری ئاساییشی جە ئامەد و چاگە دەستبەسەرێ کریێنێ و تا ئیسە هۆکار پەی دەستگیرکەردەکەیان نەۋزیان ڕووە.

هاموەخت جە ناوچەکێ لیجە، هێنێ و کارازی، کە سەر پارێزگەو ئامەد-یەنێ، ڕژێم هامۆشییەش قەدەغە کەردێنە و باری نائاساییش کەردەیی کەردەن. قەدەغە و باری نائاساییەکە چنڎین گەڕەکێ و ژمارێۋی فرێ دەگێ و لادەگێ هەر یەرە ناوچەکەی مەگێرۆۋە.

ۋەڵێ ئاشکراکەردەی قەدەغە و باری نائاساییەکەی، سپا داگیرکەرەکەو تورکیای جە هەر یەرە ناوچەکەنە ئامادەکاریش پەی ئۆپەراسیۆنی سەربازی کەردەن و چەمەڕا مەکریۆنە کە بەزووی ئۆپەراسیۆنەکە دەست پنە بکەرۆنە.