جە ئێراق مانگەو ۱۰و ۲۰۱۹ی سەرتا جە بەغدادی پایتەخت و دماتەر جە سەرجەم پارێزگاکێ پانیشتو وڵاتی دژ بە گەندەڵی و نەبییەی خزمەتگوزاری و خراپ ڕاوەبەردەی ئیداری و سیاسیی و ئابوری وڵاتی وێنیشاندایێ و ناڕازەیەتیێ جەماوەرێی دەستشان پنەکەردێ و گەل سەرشهۆردا و ئاخێزش کەرد. هێزە ئەمنیەکێ ئێراقی بە ئێر و ئاسن و فشار ڕووبەڕوو  جەماوەری ناڕازی بیێوە و بە ئا هۆکارێچە سەڎان کەسێ کوشیێ و هەزاران کەسێ تەرێ بریندارێ بیێ و هەزارانی تەرێچ قوڵبەستێ و زیندایێ کریێ. هاموەخت بە شێوازی پلانپەیکریا چەنڎین پێشەنگێ و ڕێکوزێ وێنیشاندەکان کوشیێنێ و یان بێسەروشۆێنێ کریێنێ.
بەڵام سەرەڕاو ئانەیە وێنیشاندایێ و ناڕەزایەتیەکێ گەلی بەردەوامێنێ و درەنجام عادل عەبدولمەهدی سەرۆک وەزیرانشان ناچار بە دەست جەکارکێشایەوە کەرد.

شەوێ ویەردێ، پەیوەست بە بابەتەکەی کۆمسیۆنو باڵاو مافەکێ مرۆڤی جە ئێراق وەڵاوکریاش دان و ئەرەیاونانش: جە ساتەوەختو سەرهۆردای ناڕەزایەتیەکان تا بە ئارۆ ٤۹۰  وێنیشاندەرێ کوشیێنێ و ۲۲ هەزارێ تەرێ بریندارێ بیێنێ.