میانگەو چاپەمەنی و یاۋنەری هێزەکێ پارێزنای گەلی- هەپەگە، بە ۋەڵاوکریای لەشکری سەبارەت بە چالاکیێ گەریلای جە شرناخ و بۆتان زانیاریش دان و ئاشکراش کەردەن: "١٩و نیسانی، سەعات ٠١:٠٠و سەرسەبای، جە میانو شرناخ و جزیرە-یەنە، گەریلاکێمان دژ بە سەربازە ئەرەگێرەکێ تورکیای چالاکیشان ئەنجام دان و زیان جە دوژمنی دریان. بەڵام سەبارەت بە زیانەکێ دوژمنی زانیاری تەمام بەدەست نەۋزیان. 
هاموەخت جە بۆتان ، گەریلا دژ بە هێزە بەکرێگێرتەکێ ڕژێمو تورکیای چالاکیش ئەنجام دریان و جە ئاکامشەنە کەسێۋی بەکرێگێریا کوشیان".

جەلایێ تەرەۋە (فەرماندەیی جمیەرو شۆڕشگێڵی یۆگێرتەو گەلانی-HBDH)، سەبارەت بە چالاکی گەریلاکانشان جە ئاگری ۋەڵاوکریای لەشکریش دان و دلێشەنە ئاشکراش کەردەن: "۱۸و نیسانی، سەعات ۱:۰۰ سەرسەبای، جە ناوچەو بایەزیدی سەر بە پارێزگاو ئاگری، گەریلاکێمان دژ بە سەربازگەو ودات ئۆزکایای چالاکیشان ئەنجام دان. جە چالاکییەکەنە سەرەڕاو کوشیای ۱ سەربازی، زیانی مادی فرە جە سەربازگەکەی دریان. دمابەدمای چالاکییەکەی دوژمن بێسەوربەرانە ناوچەکەش تۆپۋاران کەردەن. بەڵام زیانش بە گەریلا نەیاونان و گەریلاکێمان بە سڵامەتی گێڵێنێۋە بارەگاکێ وێشان".