جە شەنگالی ئازادکریا، بە بۆنەو ۸و ئاداری ڕۆو جیهانی ژەنێ مەراسیمێۋی جەماوەری ڕێکۋزیا. جە مەراسیمەکەنە کە بە ڕێزگێرتەی دەستش پنەکەرد، وێنەکێ ڕێبەر ئۆجالانی و ئاڵێ و هێمێ جمیەری ئازادی کوردستانی و تاژێی و ۋێنێ گیانبەختکەردەکێ شەنگالی هۆرئاۋێزیێ-بێنێ.
دماتەر ئەڎا ئەمشێ بەنامێ تەڤگەرو ژەنێ ئێزیدیێ قسیێش کەردێ و ۸و ئاداریش جە ڕێبەر ئاپۆی و ژەنێ ئێزیدیێ و کوردستانی و جیهانی پیرۆز کەرد و ۋاتش: "سەرەڕاو کۆمەڵکوشیەکان، بەڵام ژەنی ئێزیدییە کۆڵ نەدا و وێش ڕێکۋست و بنیات نیاۋە".
هەر جە مەرسیمەکەنە گرووپ-و "بوکا بارانێ"چندین بڕگێ هونەریێ نماییش کەردێ. دماتەر گرووپو شانۆیی سەر بە یەکینەکێ ژەنێ شەنگالی - یەژەشە، شانۆگەریشان نماییش کەرد.

هاموەخت جە شارو کەرکوکی بەهەمان بۆنەۋە، بە سەرپەرشتی یانەوڕۆشنۋیری، تیم-و فیوچەری ڕوسیی، ئەرەمەرزیاو کۆکاری و وانگەو ئەستێرەی، جە وانگەکەنە ئەرمانگەی هونەری و کاری دەستی کریاۋە و کناچە وانکارەکێ و ژەنە دەستڕەنگینەکێ کەرکوکی توانا هونەرییەکێ وێشان ئەرمانێ.
جە ئەرمانگەکەنە سەرەڕاو ژەنی و پیێ کوردی، ژەنی و پیێ تورکمانێ و عەرەبێ بەشدارێ بیێ.

جە سەرجەم چالاکییەکێ شەنگالی و کەرکوک-یەنە، ژەنە بەشداربییەکێ جەختشان جە کۆشایشی ئازادی ژەنێ کەردەۋە و داۋاشان جە ژەنێ کەرد، تا کار تەر جە ۋیەردەی بەشدارێ کۆشایشی ببنانە و مافەکانشان مسۆگەر بکەرانە.