بەسۆگەند واردەکەو ڕەجەب تەیب ئەرۆغانی و دەسنیشانکەردەی وەزارەتەکێش کە زەماکەش وەزارەتو دارایش دریان پنە، لیرەی تورکیش زیاتەر توشوو ئەرەوڕای بیەن و بەردەۋام نرخ و ئەرزشش کەمتەر بۆۋە.

بەتایبەتی دمای ئانەیە کە ڕۆ چوارشەممەی ۋیەردەی ئەردۆغانی ۋاتەبێش: دەربایسو ڕەخنەکا دلێ و بەروو ڵاتەکێش نییا، کە جە لاۋازی وەزیرەکا حکومەتەکێش گیریانە و سوود"فایز" زیاتەر ۋەزنۆرە.

ئیتر دما بە دما قسەکا ئەردۆغانی، دۆلار و یۆرۆ ۋەراۋەر بە لیرەی تورکی بەرزتەرین ڕیکۆردشا تۆمار کەرد و دۆلار جە ٥ لیرا و یۆرۆ جە ٦ لیرا نزیکێ بیێنێ. جە ئیسەنە ۱ دۆلار بە ٤.٩٧ لیرێ، ۱ یۆرۆ بە ٥.٨٠ لیرەێ جە بۆرس و بازارەکانە فاڕیاۋە.

ئەرەوڕای و ئەرەۋەستەو لیرەی تورکی کاریگەری فرە نەرێنی جە بازارەنە دروس کەردەن و نرخ و بەهاو کەلوپەلی، واردەمەنی، ئامرازەکێ ئەۋەفاڕای، کرێ یانە و دوکانیش گرانتەر کەردەن و ئابوری تورکیاش ئانڎەی تەر شوێنان.

.......

جە عەفرین و ئیدلب، جە چالاکی شەڕڤانانە ٥ چەتێ تورکیای کوشیێ

جە عەفری و ئدلب، جە چالاکی شەڕڤانەکا "توڕەیی زەیتون"یەنە، ٥ چەتێ سەر بە فەیلەق ئەلشامی کوشیێ.

جەی بارەۋە ژوورو چالاکییەکا تۆڕەیی زەیتونی جە ۋەڵاکریێۋەنە ئی زانیاریشە دێنێ:

۱۹ تەموزی جە عەفرین، چالاکی دژو "ئیبراهیم عەبدوڕەزاق"ی چەتەی ئەنجام دریان و نامبریا کوشیان.

۱۰ تەموزی، جە دلێ شارو "ئدلب"ینە، ٤ چەتێ فەیلەق ئەلشامی، کە دەسشا بیەن جە کوشت و بڕ و تاڵانکەردەی و ئازاردای هاموڵاتیا عەفرینیەنە، ماشینەکەشا کریان ئامانجو چالاکی شەڕڤانا و جە ئاکامشەنە هەر ٤ کوشینێ کە نامەکێشا پی جۆرەنێ: ١ – حسێن ئیبراهیم مستەفا، ٢ – محەمەد کەرەمۆ، ٣ – ئەیمەن خالید، ٤ – غەزوان حسێن.

توڕەیی زەیتونی جە ۋەڵاکریاکەشەنە بەڵێنش دان، هەر کەس و لایەنێ کە جە عەفرین بەشدار بیەبۆنە جە هامکاری دوژمنی،  تاڵانکەردەی، کوشت و بڕ، کۆچبەرکەردەی و ئازادی خەڵکی بێ باج و سزای قورس دەربازشا نمەبۆنە و تۆڵەی بەزەبر چەمەڕاشانە.