جە عەفرین ۲ چەتێ کوشیێ و جە شەهبای هاموڵاتیێ شەهیدبی
جە عەفرین ۲ چەتێ تورکیای کوشیێ و جە شەهبا هێزەکێ تورکیای بەردەۋامێنێ جە تۆپۋارانکەردەی و جە ئاکامشەنە ۱ هاموڵاتی شەهیدبی و ۲ هاموڵاتیێ بریندارێ بیێنێ.
جە عەفرین و ناوچەکێش کە جەلاو سپاو تورکیای و تاقمە چەتە بەکرێگیریاکانش ئەرەگێریانەرە، چالاکیێ هێزەکێ ڕزگاری عەفرینی بەردەۋامێنێ.
جە ۋەڵاکریێۋی لەشکریەنە هێزەکێ ڕزگاری عەفرینی ئاشکراش کەرد: "جە ۲۰۱۹/۰٥/۱۷ی، جە دەگاو باسوتێی شەڕڤانەکێمان دژ بە ماشینێۋی لەشکری سەر بە فرقەت ئەلحەمزەی چالاکیشان ئەنجام دان. جە چالاکییەکەنە ماشینەکە بە تەمامی دلێنەبریان و ۲ چەتێ ئا تاقمەیە کوشیێنێ و ٤ چەتێ تەرێشان بریندارێ بیێنێ".
سپا و تاقمە چەتە بەزیێکێ تورکیای کە جە عەفرین توانا ڕووبەڕووبییەی شەڕڤانەکانشان نییەن و دەرەقەتشان نمەیانێ، بە تۆپۋارانکەردەی شار و شارچە و دەگایەکانو کانتۆن-و شەهبای تۆڵەو وێشان جە هاموڵاتییە مەدەنییەکان مەکەرانێۋە.
جەی چوارچێۋەنە چەندین ڕووێن و تا ئارۆچ، تۆپخانەکێ تورکیای جە عەزاز-ەۋە بە قورسی تۆپۋارانو شارو تەلڕەفعەتی و دەگایەکانش مەکەرانە. تۆپۋارانەکە سەرەڕاو یاونای زیانی ماددی فرەی بە یانە و دوکان و مڵک و ماڵ-و هاموڵاتیان، هاموەخت شەهیدبییەی هاموڵاتی (ئیبراهیم چاوش تەمەن ٤٧ ساڵێ) و برینداربییەی هاموڵاتیێ (سەبری کەمال محەمەد تەمەن ٣٦ ساڵێ) و (شەڕڤان بۆلکۆ تەمەن ٢٥ ساڵێ)ش ۋنە کەفتەنەۋە.
شارو تەلڕەفعەتی زیاتەر جە ۲٥ هەزارێ ئەرەنیشتێش هەنێ و سەر بە کانتۆن-و شەهبا-یەن و هێزەکێ تورکیای و تاقمە چەتەکێش بە بەردەۋامی بۆردومان و تۆپۋارانش مەکەرانە، ئانێچە سەڕەڕاو زیانی مادیی فرەی، شەهید و برینداربییەی دەیان هاموڵاتیێ مەدەنیێش شۆنیەرە ئومان.
