ڕاۋەبەری گردی بەرەنگاربییەی تونڎوتیژی دژ بە ژەنێ و خێزانی سەر بە وەزارەتو دلینو حکومەتو هەرێمو کوردستانی ئامارو تونڎوتیژی دژ بە ژەنێش جە ۹ مانگێ ۋیەردێنە ۋەڵاوکەردەۋە.

ڕاۋەبەریەکە جە ئامارەکەنە ئاشکراش کەردەن:

بە گردی ۳۷٥ حاڵەتێ تونڎوتیژی دژ ە ژەنێ تۆمارێ کریێنێ

۳۰ ژەنی کوشیێنێ

٤٦ ژەنی بانگەشە مەکریۆنە وێشان کوشتەن یان ناچارێ وێکوشتەی کریێنێ

۸ هەزارێ و ٥۰۹ سکاڵێ پەیوەست بە تونڎوتیژی تۆمارێ کریێنێ

جە لایێۋی تەرەۋە عومەر گوڵپی‌ ڕاۋەبەرو گردیی چەمداری و گەشەپنەدای کۆمەڵایەتی جە پارێزگاو سلێمانیێ جە کۆنگرێۋی ڕۆچنامەڤانیەنە سەبارەت بە پەنادای ئا ژەنان کە تونڎوتیژیشان ۋەرانۋەرکریان ئەی ئامارەشە بە سازیە یاۋنەریەکان دان:

جە ۱۱ مانگێنە جە سلێمانییە ۱۱۹ ژەنی پەنێ دریێنێ کە ٤٥شان زارۆڵێشان چەنی بیێنێ و گیانشان مەتەرسییە بییەن

۲٥ ژەنی جە ۱۱٦ ژەنە پەنێ دریێکان، یانەو دادڵدەدای (پەنادای)یەنە مەنێنێۋە و ئەۋێ تەرێشان دمای چارەسەری کێشەکانشان یانەکەشان ئاستەن جیا.