میانگەو یاۋنەری و چاپەمەنی هێزەکانو پارێزنای گەل (هەپەگە)ی سەبارەت بە چالاکی گەریلاکانشان و ژەنە گەریلاکێ یەژاستار-ی کە جە هەفتانین دژ بە هێزە ئەرەگێرەکانو تورکیای ئەنجامشان دان، ئەرەیاۋنایێۋش دان و دلێشەنە ئومان:
۷ سەربازێ کوشیێنێ

"جە بەردەۋامی جەنگو هەفتانین-یەنە، نیمەڕۆو دووە شەممەی ۋیەردەی، جە بەرزایی کۆنفڕانسی گەریلاکێ یەکیەنەکێ ژەنێ ئازادێ (یەژاستار)ی و گەریلاکێمان (هەپەگە) دژ بە هێزە ئەرەگێرەکانو سپاو تورکیای چالاکیشان ئەنجام دان. گەریلاکێ جە 3 قۆڵێۋە یورشان بەردەن سەرو بنکێ و بارەگا سەربازیەکێ دوژمنی و جە ئاکامشەنە گورزی فرە قورسشان ۋنە دێنێ و ۷ سەربازێ کوشیێنێ و ژمارێۋی تەرێ بریندارێ بیێنێ، هامکات کامێراکێ چەمداری و سەنگەرێۋ کە چەکی قورسش دڵینە بیەن بە تەمامی دلێنە بریێنێ. دمابەدمای چالاکییەکەی سپا ئەرەگێرەکەو تورکیا هەڕەمەکیانە ناوچەکەش تۆپۋاران کەردەن".

هەفتانین بۆردومان کریان

"هیزێ ۋێرەگا، هەر جە هەفتانین ۋاۋیەرە جەنگییەکێ تورکیا دەربەندو پساخا-یشان بە قورسی بۆردومان کەردەن.

گەریلاکێ بێزیانێ بیێنی

"هەم جە چالاکیەکەنە و هەم جە بۆردومانەکەنە گەریلاکێ بێزیانێ بیێنێ و بە سڵامەتی گێڵێنێۋە بارەگاکانشان".