سەبای پەنج شەممە، ۱۳۹۸/۰۲/۰۵- 2019-04-25ی، جە شارو پاۋەی کە سەر بە هەرێم-و هەورامان-یەن، یەکەمین جەژنەۋارەو شعرێ کوردی پەی ۋەرهۆرزو کوردستانی ڕێکۋزیۆنە.

هەرمانگەو فەرهەنگی و ڕانمایی پاۋەی کە بە هەماهەنگی (دەبیرخانەو نیشتمانی شعرێ کوردی هەورامانی) سەرپەرشتی جەژنەۋارەکەی مەکەرۆنە ئاشکراش کەردەن: "جە پارێزگا کوردنشینەکان چوون؛ کرماشان، سنە، ئیلام و ئازەربایجانی وەرنشین، سەدان شاعرێ و ئەدەبدۆستێ کوردێ بەشدارێ جەژنەۋارەکەی مەبانە و تا ئیسە ٦۰۰ بەرهەمێ ئەدەبیێ یاۋێنێ سەرپەرشتیاری جەژنەۋارەکەی. جە جەژنەۋارەکەنە بەشداربیەکێ شعرێ بە هەورامی، سۆرانی، کرمانجی، کوردی وارین (فەیلی) بواناۋە و شکار و توانایی ئەدەبیشان بۋزان ڕووە. جەژنەۋارەکە سەعات ۰۹:۰۰ سەرسەبای دەست پنە مەکەرۆنە و تا ئێۋارەگا بەردەۋام مەبۆنە و شاعرە سەرکەوتەکێ خەڵاتشان پنە مەبەخشیۆنە".

هەرمانگەو فەرهەنگی و ڕانمایی پاۋەی دەستنیشانش کەردەن: "ساڵێ ئایندێ، جەژنەۋارەو شعرێ کوردی، بە هەماهەنگی (دەبیرخانەو نیشتمانی شعرێ کوردی هەورامانی) بەشێۋازی نیشتمانی و میاندەوڵەتی ڕێکۋزیۆنە ".