جە کۆبانێ دەوریەی هامبەشی تورکی - ڕووسی ۸ هاموڵاتیێش بریندارێ کەردێ
جە کۆبانێ دەوریەی هامەبەشی تورکی - ڕووسی ۸ هاموڵاتیێش بریندارێ کەردێ و ژەنە ڕۆچنامەڤانێوە ئینارە دلێشانە.
ئارۆ ۳شەممە، جە دەگاو کۆر پینگارێی سەر بە شارو کۆبانێی دەوریە هامەبەشەکێ تورکیا - ڕووسیای جارێۋتەر سوڕیێۋە. جە ۋەرانۋەرەنە هاموڵاتیێ ناوچەکەی بە ناڕەزایەتی ڕووبەڕووشان بیێۋە. بەڵام سەربازە تورکەکێ دەوریەکەی تەقەشان جە خەڵکە ناڕزاییەکەی کەرد و جە ئاکامشەنە ۸ کەسێ بریندارێ بیێنێ و کە زۆزان ڕەمەزان ژەنە ڕۆچنامەڤانەو ژن تیڤی ئینارە دلێشانە و برینێ ٤ جە بریندارەکان فرە سەختێنێ.
یاگێ ئاماژەیەنە کە ئینە دووەمین جارەن کە دەوریە هامەبەشەکێ تورکی - ڕووسی جە کۆبانێ و دەگایەکاشنە مەسوڕیاۋە و جە ٥ مانگێ ویەردێنە بەهەمان شێوە دەوریە هامبەشەکێ سوڕیبێنێۋە و جەلاو هاموڵاتیەکانو کۆبانێیەوە تەوەنۋارانێ کریێ بێنێ.
یاگێ ۋیرۋستەیەن کە جە ۸ مانگێ ۋیەردێنە، جە دێرک جە سەروەختو ناڕەزایەتی نیشاندای دژ بە دەوریەی هامەبەشەکانو تورکیا- ڕووسیای کە ناوچەکەنە سوڕینێ، هێزەکێ تورکیا هاموڵاتی گەنج سەرخوەبوون عەلی-شان شەهید کەردەبێ و ٥ هاموڵاتیێ تەرێشان بریندارێ کەردەبێنێ.
