جە گرێ سپی و منبج، تورکیا و چەتەکێش شکست دریێ
جە گرێ سپی، 4 چەتێ تورکیای کوشیێ و جە منبج هێرشو تورکی و چەتەکاش بەتندی ۋەڵام دریاۋە.
ئێشەۋ سەعات ۱۹:٤٥ دەیەقێ بە وەختو ۋەرنیشتو 'ڕۆژئاڤا ' کوردستانی، گروپێۋ چەتێ بە پەشتیۋانی ئەرتەشی تورکی، گەرەکشا بیەن سنور دەرباز بکەران. بەڵام شەڕڤانێ سوریای دیموکراتی هەسەدەی ڕووبەڕووشا بینێۋە و جەنگی نیم سەعاتە ڕووەش دێنە، جە ئاکامشەنە ٤ چەتێ کوشینێ، ۲ تەرێ زامدارێ بیێنێ. دەرنجام چەتەکێ شکست دریێنێ.
هاموەخت جە منبج، ئەرتەشی تورک و چەتەکێش بەفراوانی پەلامارەو دەگا «ئه‌لهۆشه‌ریه»شان دێنە. جەی بارەۋە ئەنجومەنی سەربازی جە منبج، ئاشکراش کەرد: دوژمن جە هێرشەکەشەنە چەکی قورش بەکار ئاۋردەن. بەڵام شەڕڤانێ ئەنجومەنەکەی، ڕووبەڕووشان بیێنێۋە و گورزی قورسش دێنێ ۋنە و شکستشا بە هێرشەکەی دان.
