جە ۲ مانگێنە ١٥٣٢ حاڵه‌تێ تنڎوتیژی دژ بە ژەنێ تۆمارێ کریێنێ
ڕاۋەبەری گردیی بەرەنگاربییەو تنڎوتیژی دژ بە بە ژەنێ و خێزانی جە هەرێمو کوردستانی ئاشکراش کەرد: "تەنها جە ۲ مانگێنە ١٥٣٢ حاڵه‌تێ تنڎوتیژی دژ بە ژەنێ تۆمارێ کرێنێ".
جە پانیشتو کوردستانی سەرەڕاو بانگەشەکەردەی پەی چارەسەریش، بەڵام تنڎنوتیژی دژ بە ژەنێ ڕۆچ بە ڕۆچ زیاتەر مەبۆنە. جەی چوارچێۋەنە ڕاۋەبەری گردیی بەرەنگاربییەو تنڎوتیژی دژ بە بە ژەنێ و خێزانی جە هەرێمو کوردستانی ئامارش دان و ئاشکراش کەردەن: "تەنیا جە مانگەکێ كانوون-و دووه‌می و شوبات-و ئێساڵی هه‌زار و ٥٣٢ حاڵه‌تێ تنڎوتیژی دژ بە ژەنێ تۆمارێ کرێنێ. ئانێچە بەبەراورد چەنی ئا ۲ مانگەیە جە ساڵو ۲۰۱۸ی حاڵەتەکێ زیاتەرێ بیێنێ".
ڕاۋەبەری گردیی بەرەنگاربییەو تنڎوتیژی دژ بە بە ژەنێ و خێزانی جە هەرێمو کوردستانی حاڵەتەکێ تنڎوتیژیەکەیش پی جۆرە ۋستێنێ ڕووە:
- ٥ حاڵەتێ ژەن کوشتەی
- ٧ حاڵەتێ وێکوشتی
- ٣٦ حاڵەتێ سوتەی
- ١٢ حاڵەتێ وێسۆچنای
- ٢٦ حاڵەتێ تنڎوتیژیی سێكسی
- هەزار و ٤٤٦ سکاڵێ تۆمارێ کریێنێ.
بە پاو ئامارەکەی، هەولێر و ڕاپەڕین جە ژەن کوشتەیەنە جە پلەی یەکەمەنە یاگێشان گێرتێنە. وێکوشتەی، وێسۆچنای، تنڎوتیژیی سێكسی سلێمانییە ئینا پلەی یەکەمەنە. جە تۆمارکەردەو سکاڵایەنە هەولێر ئینا پلەی یەکەمەنە.
ئێساڵیچ پێسەو ۋیەردەی و هەمیشەی، جە پارێزگاو هەڵەبجەی و هەورامانی کەمتەرین تنڎوتیژی دژ بە ژەنێ تۆمار کریان.
