جیهاد هەورامی

ئارۆ، شاندێو پەرلەمانو هەرێمو کوردستانی بەمەبەستو لوایشا پەی عەفرینی یاۋێ ڕۆژئاۋا کوردستانی و عەبدولکەریم عومەر، هامسەرۆکو دەسەو ڕاۋەبەری هەرێمو جەزیرەی و شاندێۋی یاوەش پێشوازیشانە بێنێ.ک

شاندەکو پەرلەمانو هەرێمی جە ئەبو کاروان، "فڕاکسیۆنو شیوعی"، عەلی هالۆ،"فراکسیۆنو پارتی"، شێرکۆ حەمە ئەمین،" فراکسیۆنو گۆڕانی"سو هراب میکیاییل"، فراکسیۆنو یەکگرتووی" جە وێ گێرێ.

هەرچنە سالاڕ مەحمود جە فراکسیۆنو یەکێتی چەنی شاندەکەی بێ، وەلێ جە دەروازەو سێمالکای ڕێگریش چەنە کریا و ناستشا بلۆ پەی ڕۆژئاوای و گێڵناشاۋە.

چا بارەوە سالار مەحمود، ئەندامو پەرلەمانو هەرێمی جە فراکسیۆنو یەکێتی یەکێتی نیشتمانی بە فڕات نیوزیش واتش:"دماو یاۋایما بە دەرۋازەو سێمالکای، ڕاۋەبەرو دەروازەکەی ڕاشا نەدا بلو ڕۆژئا و واتشا مەبۆ بلی ۋەرو ئانەیە نامێم نییەنە لاشاۋە"

هەر پاسە باسش چانەیە کەرد: "دماتەر پەیوەندیما بە جەعفەر ئیمینکی یاردیدەرو سەرۆکو پارلەمانی کەرد و قسێش چەنی ڕاەبەرو دەروازەکەی کەرد و داوۋاش چەنە کەرد کە بازا منیچ بلو چەنی شاندەکەی، وەلێ دیسان ڕاۋەبەرەکە ڕاش نەدا".

ئا پەرلەمانتارە واتیچش: "سەۋای بە نۋیستێۋە پەرلەمان و گرد لایێ جە ووردەکاری ئی ڤییەری هاگادار کەرۆۋ".