شەوچەرە یەکەمین کتیٛبی نوسیاری و دەنگی کوڵە داستانیٛ هەورامییٛ (کتیٛب + سی دی دەنگی) جە نویستەی و ئامادەکەردەی گۆنا ڕاپەیما-ی چاپ کریا و جە پاوە شار بە مەڕاسیمێوی گەورەی جەماوەری پەردەش سەر لادریا و وەڵاو کریاوە.
کتێبو نویسیاری و دەنگی شەوچەرە-ی کە چەنڎین کوڵە داستانێ و ڕازێ ڕەسەنێ و دێرینی هەورامیێ جە وێ مەگێرۆنە و جە نوسیتەی گۆنا ڕاپەیما-ین بە چاپ یاوا و هامکات بەشێوازی دەنگی سەرو (سی دی) تۆمار کریان و بەی تەورە کتێبخانەی نویسیاری و دەنگی هەورامیش پنە دەوڵەمەند کریا.
جەی چوارچێوەنە جە پاوە شار بە مەراسیم و ئاهەنگیٛوە گەوەرێ و جەماوەرییە پەردە سەرو کتێبەکەی لادریا و ئەشناسیا بە هوٙگران و دوٙستانو داستانیٛ و ڕازیٛ هەورامییٛ. جە ئاهەنگ و مەراسیمەکەنە کە جە ساڵوٙنەو ئامفی تائەترو سەر بە ڕاوەبەری فەرهەنگ و ڕانمونی پاوەی ساز کریا چەنڎین نویسەرێ و ڕۆشنویرێ هەورامانی و کوردستانی ئامادێش بیێ و بە بایەخە و ستاییشەوە قسێشان سەرو کتێبەکەی و گرنگیش کەرد".
وێنە/سەلام پاوە
