شەوچەرە جە چەنڎین کوڵە داستانێ و ڕازێ ڕسەنێ ودێرینی هەورامیێ جە وێ مەگێرۆنە و جە نوسیتەی گۆنا ڕاپەیما-ین بە چاپ یاوان و بەشێوازی دەنگی سەرو (سی دی) تۆمار کریان.
جەی بارەوە هەورامان نێت زیاریش دان؟و ئاشکراش کەردەن: "ڕوٙ پەنجشەممەی ۱۲ دەی مانگەو ئێساڵی ۱۳۹۸ جە مەراسیم و ئاهەنگیٛوەنە پەردە سەرو کتێبەکەیش لامڎریۆنە و مەشناسیوٙنە بە هوٙگرانو دوٙستانو داستانیٛ و ڕازیٛ هەورامییٛ. ئاهەنگ و مەراسیمەکە جە ساڵوٙنەو ڕاوەبەری فەرهەنگ و  ڕانمونی ئیسلامی پاوە شاری جە ساتەوەختو عەسریەنە ساز بکریۆنە".

نویسەرەو شەوچەرەی خاتوو گۆنا ڕاپیما جەی بارەوە خوٙڵکنامەش پەی بەشداری جە مەڕاسیم و ئاهەنگەکەنە پەی تەورە وەڵاو کەردەنەوە:

ئیٛژا و هیٛژا

گەشە کەردەی داروو فەرهەنگوو هەورامانی حەز و ئاواتیٛوە ڕیٛخە دارەن کە پیٛشەش جە زوو جه دڵ و مەژگمەنه نریان، یوٙ چا حەز و ئاواتانه نویسەی به زوانی ئەڏاییم بیەن و پاریٛزنای ئەدەبی فولکولوری.

دەساوەو ئی ئەرکەیە بیەن چن کوڵه داستانیٛ به نامیٛ شەوچەرەی.

ئاروٙ یاوەینان پا حەزەیە و ئەوەڵ کتیٛو سی دی ئی کوڵه داستانانمە ئاماڏە کەردەن. جا پی بوٙنۆ چەمەڕاو ئامەیتا مەکەروو پەی کوٙ نیشتوو پەردە لادای جه شەوچەرەی.

حزوورتان مایە دڵ گەرمینە پەیمان.

 ڕوٙ پەنجشەمەی ٩٨/١٠/١٢ ڕوٙجیاری

سەعاتەو ۳ دماو نیمەڕوی

یاگیٛ: تالارەو سینەما فەرهەنگوو ئرشادوو پاوەی