ڕاوەبەرێ لەشکریی هێزەکێ سوریای دیموکراتیکی - قەسەدە، سەبارەت بە دمایین قۆناخ جە ئۆپەراسیۆنو کۆتایی ئاۋردەی بە داعشی کە جە شارچەو باغۆزی بریۆنەڕاۋە، کۆنفڕانسی ڕۆژچنامەۋانیشان ئەنجامدا. جە کۆنفڕانسەکەنە ئامارو ۲ مانگێ جە ئۆپەراسیۆن و جەنگی و زیانەکێ دژمنی ئاشکرێ کریێ.

جەی بارەوە (کینۆ گابریەل) ۋاچەری فەرمی قەسەدەی جە کۆنفڕانسەکەنە زانیاریش دا و ۋاتش: "جە باغۆز شەڕڤانەکێمان سەرکەوتەی  و ئەنجامی گەورەشان بە دەستۋستەن و داعش جە ڕووبەرێۋی ۋەرتەسکەنە دەورپێچ وجوڵەبڕ کریان. هاموەخت دەیان هەزار هاموڵاتیێ مەدەنیێ ئازادێ کریێن و فاڕیێنێۋە پەی ناوچە پارێزیا و ئارامەکان". 

گابریەل ۋاتیچش: "هێزەکێ قەسەدەی جە زەمینەۋە و هێزەکێ هامپەیمانی میاندەوڵەتی جە ئاسمانەۋە بە هەماهەنگی هەنتری کارشان کەردەن و گورزێ قورشێشان جە داعشی دێنێ و ئانێچە چەتەکێ و خانەۋادەکێشان ناچارێ بە وێدەسەوەدای کەردەن".

کینۆ گابریەل ۋاچەری فەرمی قەسەدەی جەی چورچێۋەنە ئی زانیاریێ و ئامارێشە دێنێ:

٭ ٥۲۰ چەتێ دیلێ کریێنێ

٭ ۳٤ هەزار هاموڵاتیێ ڕزگارێ کریێنێ

٭ ٥ هەزار چەتێ وێشان دان دەستەۋە

٭ ۱۳۰٦ چەتێ کوشیێن و ژمارێۋی فرێ بریندارێ بیێنی

٭ ۸۲ شەڕڤانێ شەهیدێ بیێنێ و ٦۱ی تەرێ بریندارێبیێنێ