ڕۆ جهانی زۋانی ئەڎایی نزیک بۆۋە و ە پارێزگا هەڵەبجەی زنجیرە چالاکیێ پا بۆنەۋە ئەنجامێ مڎرایا.
جەی بارەۋە جیهاد هەورامی، ۋەرپرسیارو یاۋنەری یانەو سیاچەمانەی بە فرات نیوزیش وات:"جە پارێزگاو هەڵەبجەی بەبۆنەو ڕۆ جهانی زۋانی ئەڎایی ڕێککۆتو 21_2_2018 ،پەی بەرز گیٛرتەی بۆنەکەی یانەو سیاوچەمانەی بە هامکاری ڕاۋەبەری ڕوٙشنۋیری هونەرو پاریٛزگاو هەڵەبجەی و بە سپوٙنسەری چاشتخانەو ئوٙسا ئیبراهیمی ڕیزە چالاکییێ بەی جورە بریا ڕاۋە:

1- سەعات ۰۹:۳۰ دەیەقێ، جە باخچەو (شەهید عەبدولجەبار)ی نزیکو ڕاۋەبەری هونەرو ڕوٙشنۋیری هەڵەبجەی گلیٛربیەو هەورامییەكا ئەنجام مدریۆنە و پەیامیٛو پەی دەزگاکا یاونەریو چاپەمەنی "میدیا"، وەڵاکریۆۋە.
 
2- سەعات ۱۰:۳۰ دەیەقێ، جە هوٙڵو ڕاۋەبەری هونەرو ڕوٙشنۋیری هەڵەبجەی بە بەشداری:(م .جەمال بیٛدار _ م. ئیبراهیم حاجی زەڵمی _ م. ماجد خەلیل _ د.ناجح گوڵپی)، کۆنیشتەی زانستی سەرو زۋانی هۆرامی بریۆ ڕاۋە.

3- کیانای پەیامێوە پەی یاگە پەیوەنیدارەکا و حکومەتو هەرێمو کوردستانی و زانگەو پەرۋەردەو هەڵەبجەی.