دلێگەو یاۋنەری، هێزەکا سووریای دیمۆکراتی_هەسەدە ی ئەنجامو ۱۷ و ۱٨ هەمین،  <<مدرامانو سەردەمی>>یش جە عەفرین ۋڵاکەردەۋە.

 

هێزەکێ سوریای دیموکراتی هەسەدەی ئاشکراش کەرد، جە ۱٨ هەمین ڕۆر مدرامانی و جەنگی جە عەفرین،  ئارۆ ۳ شەممە، جە سەرسەبای تا سەرۋێرەکا، ۹ سەرۋازێ و چەکدارێ تورکیای و چەتەکاش کوشێنێ و  ماشینێ سەرۋازیچشا دلێنە بریان. سەبارەت پانەیە ئەی ئامارەش ۋستەن ڕووە:

 (بلبلێ)

هیزی سەعات ٣ۋ پەی چەند سەعاتێۋ دەگا چلەی بە سەختی تۆپۋارانە کریێنە. سەعات٢٣:٠٠ شەوێ ۋیەردەی هەوڵ پەی کۆتە دلێ  دەگا شێخ روزیە دریان، بەڵام  هێزەکێما وەڵامێۋی توندشا دێنێ و گورزی کوشندەشا ۋنە دێنێ و ماشینیۋی سەرۋازی بەسەرنشینەکاشەۋە بەتەمامی وەردوهان کریان.
 
(جندرێس)

فرۆکێ جاسوسیێ تورکیای، جە سەعات ١١ و نیمەۆی  سەرو ئاسمانو جندرێسی و تەیایبەت دەگا ئەلمەحمەدییەی سوورێنێۋە، هەمان ئا فرۆکێ ٣ چێۋی سیاوێشان جە نزیک خاڵۆ تاقمە جیهادیییە چەتەکا ۋستێنێرە، بە ڵام نەزانیان ئا چێۋە سیاوێ چێشێ بێنێ.

(شیێ)

یۆ جە یەکینە نیشانەبڕەکاماڕە جە نزیک تەپەو ئیزای چالاکیش ئەنجامدا .جە چالاکیەکەنە ٢ سەرۋازێ تورکیای کوشیێنێ. جە هەمان کاتەنە هێزیۋی تەریما چالاکێۋتەرش ـانجام دان جە ئاکامشەنە، ٧ سەرۋزێ تەرێ کوشیێنێ سەعات ۱۳:۰٠ نیمەڕۆی سپا تورکی و چەتەکێش گەرەکشا بیەن دەبازێ دەگا حەج بیلالی بانە. ،هێزەکێما وەڵامشا بە پتەوی دێنێ و جەنگ ڕوەش دێنە. تا ئیسە جار نا جار ناوچەکەنە جەنگ قۆمیۆ. هەر چا کاتەنە سپا تورکیای جە ڕەیحانلی ـ یەۋ تۆپۋاران کەردەی دەگاکێش دەس پنەکەردەن و  عەسر بەردەوام بیەن.

(ڕاجۆ)

دلێڕاسەو هەرێمو ڕاجۆی، بە سەختی تۆپۋاران کریان و تاـارۆی بەردەوام بیەن.

هەرپاسە هەسەدە ئاشکراش کەردەن، جە ۱۷ هەمین ڕۆر مدرامانی و جەنگی جە عەفرین، ١٧سەرۋازێ تورکیای کوشێلنێ، ٢ تانکێچ وردوهانێ کریێنێ و سەبارەت پانەیە ئەی ئامارەشە ۋستەن ڕووە:

(شیێ)

 جە دەگا "بیلال"ی، ئەرتەشی تورکی داگیرکە، تاقمە بەنام جیهادییە چەتەکێ هەوڵشان دان ۋەردەۋی بکەرانە. وەلێ هێزەکێما ۋەرپارچشا دێنێۋە و جەنگی سەخت قۆمیان. دەرئەنجام هێزە داگیرکەرەکێ ناچارێ  ئەۋگێڵای کریێنێ.دماتەر جە ئەنجامو ئۆپەراسیۆنو شەڕڤانەکامانە لانی کەم  ٨ سەرۋازێ کوشینێ.

(ڕاجۆ)

دەگاو خەلیلی کە ئینا دلێڕاسەو ناوچەو ڕاجۆیەنە، بە هەسی تۆپۋارانە کەریێنە.

(بلبلێ)

تیمو گەردەلولی کە سەر بە هێزەکا "یەپەژە"یەن، دژ بە داگیرکەرا چالاکیشان ئەنجام دان، دلێشەنە ٤ سەرۋازێ کوشیێنێ و ژمارێوتەریچ  زامدارێ کریێنێ.

سپاو تورکیای و جیهادیە چەتەکێش، دەگاو جۆلەقایایشان بەچەکێ قورسێ بۆردمان کەردێنە، جە ئەنجامشەنە یانەو ٣ هاموڵاتیایشان کاول بیەن. سەعات  و نیمەرۆی ١١،جە تەپەو بێکێ شەرڤانان چالاکیشان ئەنجام دان و  تانکێۋە تەرو سپاو تورکیای بەرنشینەکاشەۋە دلێنەبریێنێ. هاموەخت،  یەکینەکێما مۆڵگێۋو سەرۋازی سپاو تورکشان کردەن ئامانج و جە ئاکامشەنە لانی کەم  ٥ سەرۋازێ تورکیای کوشیێنێ.

(شەرا)

هێزەکێما مۆڵگێۋو سەرۋازا تورکیا و تاقمە جیهادیە چەتەکاشان جە نزیک قەستەل جندۆی کەردەن ئامانج و زیانشا دێنێ ۋنە. سەعات ٢ دمانیمەڕۆی دوژمن هێرش کەردەن سەرو دەگا دیکمەداشی. هێزەکێما یەکسەر وەڵامشا دێنێ و جەنگێۋی قورس ڕوەش دێنە.

(جندرێس)

 جە نزیک دەگا حەسیرکای، هێزەکێما چالاکێشان ئەنجام دان و جە دمایینە تاوشان تانكێۋە سوپاو تورکی بماڕان و وردوهانەش بکەران.

یاگێ ئاماژەیەنە، ئارۆ ، سەرچەمێۋ جە یەکینەکا پاراستەی گەلی یەپەگەی، پەی فڕات نیوزیش ئاشکراش کەرد، جە ناوچەو شەراو عەفرینی، شەڕڤانێ یەپەگەی و یەپەژەی ۳ چالاکیێ کاریگەرێشا دژ بە ئەرتەشو تورکی و تاقمە چەتەکاش ئەنجام دێنێ و ٥۰ سەربازێ تورکیای کوشیێنێ.

یەپەگە ئاشکراش کەرد، جە دێهاتەکا "ئالاقینا،دیکمەتاش و گرێ قستێل"ی ئا ۳ چالاکیە ئەنجام دریێنێ.
جە دیکمەتاش ۳٥، جە ئالاقینا ۱۰ و جە گرێ قستێل ٥ سەربازێ و چەتێ کوشیێنێ و ژمارێۋتەریچ بریندارێ بیێنێ.