ڕژێمو تورکیای کە هامبەشانە ئاکەپە – مەهەپە مەبەرانەش-ڕاۋە، پەی دلێنەبەردەی شۆڕشو ڕۆژئاڤاو کوردستانی و جمیەرو ئازادی کوردی پەناشان پەی گرد کەردێۋی چەپەڵی بەردەن و بێپەروا و بە ئاشکرا هامکاری داعش و بەرەی نوسرە و تاقمە چەتەکێ تەریشان کەردەن  و هامپەیمانیشان پەی تاقمە چەتەکان دروست کەردەن و سپاو تورکیای ڕاستەڕاست هێرشش کەردەن و داگیرکەریش کەردەیی کەرد. وەختایێ کە ئامانجشان نەپێکا ئیتر کارشان سەرو پیلانێ تەرێ و ئەڵتەرناتیڤی تەری کەرد. 
یۆ جە پیلان و ئاتەرناتیڤەکانشان دژ بە ڕۆژئاڤاو کوردستانی و جمیەرو کوردی ئانە بییەنە تا بە کۆکەردەی ئەۋەمەنێ چەتە بەڕەچەڵەک کوردەکێ سەر بە پەدەکە (پارتی دیموکراتی کوردستانی ئێراق) و هاموەخت ژمارێۋ جە ئاکەسانە کە خیانەتشان جە پەکەکەی کەردەبێ و پەدەکەی پەنا دێنێ و هامکاریشان مەکەرۆنە، گروپ و ڕێکۋزیێۋی چەتەگەری نۊ-عوسمانی سەر بە ئاکەپەی و پەدەکەی بەنامێ (بەرەی یەکێتیى نەتەوەیى / هەرێمیى سوریا) بمەرزنارە.

بەپاو زانیارییە بەدەست-ۋزیای، تاقمە چەتەگەریەکە بە پوڵ و پاڵپەشتی دارایی قەتەری، جە ۲۰۱٦ۋە دەست بە ئەرەمەرزیاش کریان و جە سەرەتاو ۲۰۱۸ی ئامادەکارییەکێش دماییشان ئومان و جە ئیسەنە کاروباری ڕێکۋزیایی و پیلانەکێش و شێۋازی فەرماندەیی سەربایش ئاشکرا بییەن.

تاقمە چەتەگەریەکە ئامانج و پەیامش چێشەن؟

ئامانج و پەیامو تاقمە چەتەگەریە نۊ-عوسمانیەکەی، هێرشکەردەیەن سەرو وەرنیشت (ڕۆژئاڤا)و کوردستانی و هێزەکێ سوریای دیموکراتیکی-قەسەدە و سەرنیشتو سوریایەن.
دلێ تاقمە چەتەگەریەکەیەنە ئی گرووپ و کەسێ یاگێشان گێرتێنە؛ «گروپەکێ سەر بە (ئەنەکەسە - ENKS)ی، کە جە تورکیا و هەولێرەۋە ئاڕاستە و ئیدارە مەکریانە چوون "پارتی ئازادی، ڕاۋەبەرێ یەکێتیى (ئیبراهیم برۆ، فوئاد عەلیکۆ، سیامەند حاجۆ، عەبدولکەریم بەشار و پیاکێشان) و کەسێ بە نامێی رۆستەم کە ئەرەنیشتەو رۆژئاڤاو کوردستان-یەن و عەبد عەزیز تەمۆ، عەبد زەراق تەمۆ کە  ٥٠٠ کەسێشان کیاستێن پەی تورکیای، بنەماڵەو هیلۆی کە ئەرەنیشتێ سەرێکانی-یەنێ و شێخەکێ خێڵ-و لدواناێ و شێخێ تەر  رۆژئاڤا کە نامێش نەزانیێنە».

ۋەرپەریاری گردییشان میتەن

٥٠٠ کەسێ، کە رۆستەم، عەبد عەزیز تەمۆ، عەبد زەراق تەمۆی ئامادێ و نامنۋیسێ کەردێنێ، کیانیێنێ پەی تورکیای و جە کامپی ئەرەۋزیانە، فەرماندێ سەربازیێ و هەواڵگریێ تورکیای مەشقشان پنە کەردێنێ. زانیان کە ۋەرپرسیارشان کەسێن بە نام  نەجدەت ئۆزەل (سەرۆک ئەرکانو ۋەڵینو سوپاو تورکیا)یەن و هاریکارەکەش  ۋەرپەسێ دەزگاو سیخوڕیى تورکیا (میت)یەن بە نامێ ئۆرهان سونای. سونای ٦٣ کەسێ جە "ئەفسەرەکێ" تاقمە چەتەگەریەکەیش پەی ئەنجامدای بۆ ئۆپەراسیۆنی ئامادێ کەردێنێ، کە دلێشانە ٤ ئەفسەرێ وەڵێنێ سپاو سوریای هەنێ کە دلێ چەتەکانە بە نامێ سوپاى ئازادی سوریای (OSO) ئەرکدارێ بیێنێ و کە پلەی سەربازی و ناەکێشان پی جۆرەنە:

* فەرماندەو تاقمە چەتەگەریەکەی عەمید رزوان عەلێلی-یەن، کە خەڵکو حومسەین و سەر خێڵی ئەل نەعیمەی عەرەبی سونەیەن.

* ۋەرپەرسیارو هەواڵگری عەمید نەسیر مستەفان کە خەڵکە حەمایەن.

* فەرماندەو هێزی زەمینى عەمید ئەشرەف علەبیدەڵان و خەڵکى ئیدلب یەن.

* ۋەرپرسیاو کاروباری ئیداری عەمید هەیسەم جەمیل عەلیفێسی-یەن کە خەڵیک حەمایەن.  

ڕاۋەبەرێ گردیی تاقمە چەتەگەریەکەی کێنێ؟

کادرێ "ئیخوانول موسلمین – برێ مسوڵمانێ"، کە جە سوپاو سوریای بڕێنێرە و هاموەخت ئاکەسێ کە خیانەتشان جە پەکەی کەردەن، ڕاۋەبەرێ گردیی تاقمە چەتەگەریە "نۊ-عوسمانیەکێ"؛ ئاکەپە و پەدەکەی مەکەرانە و نامەکێشان پی جۆرەنە:

* عوسمان ئۆجالان

* نزامەدین تاش

* مەحمود محەمەد شاکر

* کەریم

* فەواز مەحمود سلێمان

* حسێن خەلیل دەروێش

* عەگید مونیر هتاهت (ئەبو باسم)

* ناسر موستەفا

* عەتەڵاه حاج  نەجا (جە خێڵو لدوانای عەرەبێ)

* بەشار (کریستیانو قامیشلۆیەن و بازرگانو ئاڵتونیەن)

* ئەبو کابی (جە کۆمەڵەو پەرستگەو ئەلملی)

پلانسازیى پەی هێرشی

ئاشکرا بییەن کە هەڕەشێ ئەردۆغانی پەی ئەنجامدای ئۆپەراسیۆنی دژ بە وەرهۆرو فوڕاتی و ۋاتەی: "کورد چێشەن؟ یەپەگە چێشەن؟ ئێمەنمێ پاشێ و مێرێ کوردی، کورد و یەپەگە جە یۆی جیێنێ"، پیانسازی بییەن پەی هێرشی جە ۲ قۆڵێۋە، کە لیواکێ تەیبەی ئەنجامشان بڎۆنە پی شێۋە:

* منبج؛ بڕیار درایان زاهیر ئەلساکت و عەبد جەبار ئەل عگێدی فەرماندەىی هێرشی بکەرانە جە منبج.

*کۆبانێ و گرێ سپی؛ بڕیار دریان بەفەرماندەیى مەحمود نامێ کە (وەزیرو وەڵینو سوپاى ئازادی سوریا- OSO)یەن و عەمید عەبید باست ئەل محەمەد هێرش ئەنجام بڎانە.

ئەل عگێدی کێین؟

عەبد جەبار ئەل عگێدی کە نامێش جە ڕاپۆرتەکەمانە ئامان، جە ٢٠١٣ ئەندامو ئەنجوومەنو سەربازیى سەردەمو سەلیم ئیدریس ۋەرپرسیارو  حەلەبی بییەن و بە دوژمنایەتیش پەی کوردی ئەشناسیان و جە مانگو گوڵانو ۲.۱۳ی جە دیلۆک بەشدارو کۆمبەیی میتی بییەن کە پەی کۆمەڵکوشکەردەی کوردی ئەنجام دریابێ و کۆمبیەکەی و ئامانجەکش بە دیمەن هەن و تۆمارکریان.
 نامبریا جە هەمان ساڵ بەشدار بییەن جە کۆمەڵکوشیەکێ تەل عەران و تەل حاسڵی جە نزیکو حەلەبی کە زیاتەر جە ٤٥۰ کەسێ کە ۱۲۰شان ژەنی و زارۆڵێ بێنێ.  

پڕوپاگەندە پەی تاقمە چەتەگەریە نۊ-عوسمانیەکەی جە یاۋنەری پەدەکە-یەنە 

عوسمان ئۆجالان و نزامەدین تاش کە نامێشان جە لیواکێ تەیبە-یەنە تۆمارێ کریێنێ، بە ئارگومێنتێ و بەڵگێ بێبنەمێ بەشدارێ ڕادیۆ و تەلەفزیۆنێ و دەزگاکێ یاۋنەری پەدەکەی کریێنێ و مەکریانە تا دژ بە ڕۆژئاڤاو و کوردستانی و جمیەری ئازادی کوردی بە ڕابەری پەکەکەی چەۋاشەکاری بکەرانە و گلێرگەی خەڵەتنانە و لاڕارە بەرانەش.

"تورکیاى بەهێز"

جە ١٣و حوزەیران-و ٢٠١۸ی، بەنامێ "بەرەی یەکێتى نەتەوەیى سوریای" ۋەڵاوکریا دریابێ و دلێشەنە سەبارەت بە بەرەکەی زانیاریێ دریێنێ و ئاشکرا کریان: "ئیتر وەختشەن تا کورد دژ بە بە ستەم و تەرۆرو پەیەدەی و یەپەگەی ڕزگار بکەرمێنە و ئیتر قبوڵ نمەکەرمێ هەڕەشێ جە سنورەکێ تورکیای دۆستیمان بکریانە".

هەر جە ۋەڵاوکریاکەنە سوکاەتی فرە بە شەڕڤانەکانو یەپەگە، یەپەژەی و قەسەدەی کریان و نۋیسیان: "یەپەگە و پەیەدە تەرۆرستێنێ و نمەتاوانە دژ بە تورکیای بەهێزی جەنگانە و شەڕڤانەکانشان بە ناهەق بە کوشت مڎانە و هەوڵ مڎانە بەشەهید نامێشان بەرانە. بەڵام ئادەسەڵاتە کە (مەبەستشان وێشانە) جە دمای ئۆپەراسیۆنو وەرهۆرزو فوڕاتی و ئازادکەردەیش کە مەیۆنە سەرو کاری، سیاسەتی ناتندوتیژ و دای مافو گەلانی ۋەرچەم مەگێرۆنە".