ئەندامێ کۆمسیۆنو کۆنگرەو کوردستانی جە ئەورووپا پەی ئازادکەردەی ئیدریس سەلیم ئەندامو جمیەر (تەفگەر)و ئازادی کۆمەڵگەو کوردستانی جە بەلجیکا کۆبیێوە و چالاکیشان ئەنجام دا. 
جە چالاکیەکەنە ئەندام کۆمسیۆنەکەی جە ئەرەیاونایێونە داواشان جە پارتو دیمۆکراتو کوردستانی (پەدەکە) کەرد، تا هەرچی زووەن ئیدریس سەلیم-ی ئازاد بکەرۆنە کە ماوەو ۷ مانگێن بە ناحەق جە هەولێر زیندانی و بێسەروشۆن کریان.

جە ئەرەیاوناکەنە جەخت کریانەوە، ئەگەر پارتی نامریای ئازاد نەکەرۆنە هەڵوێستێ تەرشان ببۆنە و ئەرەمەرزیا ئەورووپی و جیهانیەکان جە دۆسیەکەیش ئاگادارێ و هایدارێ بکەرانێوە.

ئیدریس سەلیم محەمەد تەمەن ٦٠ساڵان، ئەندامەن جە ئەنجوومەنو هەولێر-و تەڤگەری ئازادی جە ۰۲۰۱۹/۰٥/۰۸یەوە تا بە ئارۆ دەستگیر و زیندانی کریان و کەس سۆراغش نمەزانۆنە و چارەنویسش نادیارەن. هامکات باس جە ئانەیە مەکریۆنە کە نامبریا جە زیندانەنە نەوەش کەفتەن و بارو تەندروستیش خراپ تێکشیەن. بەڵام سەرەڕاو ئانەیە پارتی ئامادە نییەن چارەسەریش پەی بکریۆنە و کەسوکار و پارێزەش سەردایش بکەرانێ.