له‌یلا گۋڤه‌ن کە پێشەنگی مانگێرتەی جە واردەی مەکەرۆنە نامێۋەش پەی کۆمیتەو ۋەرگێرتەی جە ئەشکەنجەو ئەورووپای سی پی تی-CPT کیاستێنە و داۋاکارەنە کۆمیتەکە دژ بە گۆشەگیری ئیمرالی هەڵۋێستش ببۆنە و ئەرکش بەجا باۋەرۆنە.
له‌یلا گۋڤه‌ن هاوسەرۆکەو كۆنگره‌و كۆمه‌ڵگه‌و دیموكراتی و پارلەمانتارەو هەدەپەی، کە ۸٤ شەۋێ و ڕۋێن پێشەنگی مانگێرتەی جە واردەی بەشێۋازی بێۉادە دژ بە گۆشەگیرکەردەی ڕێبەر ئۆجالانی مەکەرۆنە، نامێۋەش پەی «میكۆلا گناتۆڤسكی» سەرۆکو کۆمیتەو ۋەرگێرتەی جە ئەشکەنجەو ئەورووپای سی پی تی-CPT کیاستێنە.
«تەرسناکتەرین ئاستەنگی گۆشەگیری ئیمرالی-یەن»
جە نامەکێشەنە لەیلا گۋڤەنە باسش جە گۆشەگیرکەردەی ڕێبەر ئۆجالانی کەردەن و نۋیستەنش:
"جە تورکیا دیموکراسی ڕووبەڕوو ئاستەنگی گەورەی بییەنەۋە. تەرسناکتەرین ئاستەنگی گۆشەگیری ئیمرالی-یەن، کە دژ بە بەڕێز عەبدوڵا ئۆجالانی پەیڕەو مەکریۆنە. ئۆجالان جە چارەسەری ئاشتیانەو پەرسەو کوردیەنە ڕۆڵی ۋەرچەمش بییەن و ئیسە و شۆنیەرە متاونە کارا هەمان ڕۆڵش ببۆنە "
« ئەداو حكومه‌تی كه‌متەر نییەن جه دیكتاتۆری»
"گۆشه‌گیری ئەشکەنجەن و دژبەرەن چەنی قانوون و حقووقی میاندەوڵەتی. حكومه‌ت ئه‌شكه‌نجه‌کەش تەمامو سیتەمو سیاسیی تورکیا-یەرە ۋەڵاکەردەنەۋە و سیاسەتی دیموکراتیش ۋەرتەسک کەردەن و بێسەروبەریش خوڵقنان و ئەداش هیچش جە دکتاتۆری کەمتەر نییەن. حکومەت دەستورو وێش و بڕیارەکێ دادگەو مافو مرۆڤو ئەووروپای نادیدێ مەگێرۆنە و پاشێلێشان مەکەرۆنە. هەر ئی حکومەتە ساڵێ منش زیندانیی کەردانی کە هەم پارلەمانتارە و هەم ئیرادەو ۳مین گەورە پارتو تورکیایەنان، کە دەنگێ ٦ ملیۆن کەسێش بەدەست ۋستەن".
«مانگێرتەیم درێژەش هەن»
"پەی کۆتایی ئاۋردەی بە گۆشەگیرکەردەی بەڕێز ئۆجالانی و بە یەکجاری دمایی ئاۋردەی بە سیستەمو ئەشکەنجەی جە تورکیایەنە، من جە ۸و تشرینو دووەمو ۲۰۱۸ی، جە زیندانەنە دەستم دا مانگێرتەی جە واردەی و جە ۲٥و کانوونو دووەمو ۲۰۱۹ی، یانی جە ۷۹ هەمین ڕۆو مانگێرتەکەیەنە ئازادە کریانی. بەڵام من هیشتای ئامانجم نەپێکان کە لابەردەی گۆشەگیری ئیمرالییەن و بەڕێز ئۆجالان مافدار و شایستەن تا گۆشەگیری سەریش هۆربگێریۆنە و پارێزەێ و خانەۋادەکەش بە ڕێکوپێکی سەردایش بکەرانە. پۆکەی تا یاۋای بە ئا ئامانجەیە مانگێرتەیم جە واردەی درێژەش هەن".
«هۆرگێرتەی گۆشه‌گیری منەتە نییەنە»
"كۆتایی ئاۋردەی به گۆشه‌گیریی به‌ڕێز عه‌بدوڵا ئۆجالانی منەتە نییەنە، بەڵکو پەیوەندیش بە پارێزنای پیمانێ مافەکێ مرۆڤی و سەروەری قانونی هەن و مشیۆم کۆتاییش بێنە".
«گەرەکەن CPT ئەرک و ۋەرپرسیاریش بەجا باۋەرۆنە»
"من ئاگام جە هەوڵ و تەقەلا هژیارەکانو شمە (سی پی تی - CPT) و گفتوگۆکێتان چنی حکومەتو تورکیای هەن. بەڵام گەرەکمەن ئاگادارێتان بکەرۋە جە ئانەیە کە حکومەت ڕاۋەبەردەی زیندانەکان بە تایبەی ئیمرالی پێسەو ئامرازێ پەی تنڎوتیژی و سەرکوتکەردەی ئۆپۆزسیۆنی و پەرسەو کوردی بەکاربەرۆنە. پنەۋازی هەن کۆتایی بە ئانەیە باۋریۆنە. ئامانج جە مانگێرتەکەیم کە ئارۆ ۸۲ ڕۋێش دەربازکەردەن هەر ئانەن و داۋاکاریمان مافێ ڕەوا و یاسایین. شۆنەو منەرە جە زیندانێ تورکیایەنە ۲۸۱ بەندکریێ کە ۹٤شان ژەنیەنێ، جە بەرو تورکیایچ ۱۸ کەسێ بەشدارێ مانگێرتەکەی بیێنێ و تا ئارۆچ سەرش بەردەۋامێنێ. باۋەڕم هەن کە سی پی تی - CPT بە خاسی ئەرک و ۋەرپرسیاریش بەکاربەرۆنە و دژ بە گۆشەگیریەکە و بارودۆخەکە هەوڵ و تەقەلا بڎۆنە".
