ڕژێمە ئەرەگێرەکەو تورکیای بە باڵەپڕی جەنگی بێمرۆڤ شەنگال-ش بۆردومان کەردەنەوە و یەبەشە ئاشکراش کەرد جە ئاکامشەنە: "زەردەشت شەنگالی جە فەرماندارنو یەبەشە-ی و ۳ شەڕڤانێ یاوەرێش شەهیدێ بیێنێ".
جەی بارەوە یەکینەکێ بەرخۆدان (مدرامان)و شەنگالی - یەبەشە ئەرەیاونایش دان و ئاشکراش کەردەن:
"ئارۆ ٤ شەممە سەعات ۱۰:۳۰ دەیەقێ وەڵێ نیمەڕۆی بە وەختو هەرێمەکەی، بە باڵەپڕی جەنگی بێمرۆڤ سەر بە ڕژێمە ئەرەگێرەکەو تورکیای کۆمەڵگەو دووگرکێ سەر بە شارو شەنگال-ی بۆردومان کریانەوە و جە بۆردومانەکەنە سەرەڕاو زیانی ماددی فرەی کە بە یانێ هاموڵاتیان یاوان، هامکات زەردەشت شەنگالی فەرماندار جە یەکینەکێ بەرخۆدان (مدرامان)و شەنگالی -یەبەشە و ۳شەڕڤانێ یاوەرێش شەهیدێ بیێنێ".
یەبەشە سەرەڕاو سەرکۆنەکەردەی هێرشەکەی، هامکات دەسەڵاتداری ئێراقی وەرپرسیار مزانۆنە کە وەرانەوەر بە هێرشەکەی و هێرشەکێ ویەردەی بێهەڵوێست بییەن و وازیارەن ئێراق هەڵوێستی جددیش دژ بە تورکیای ببۆنە و سەروەری پاشێلکریاش بپارێزنۆنە.
یەبەشە جە ئەرەیاونایەکەشەنە شناسنامێ هەر چوار شەهیدەکەیش بەی تەوەرە ئاشکرێ کەردێنێ:
î
ئەشناسیا بە: زەردەشت شەنگالی
نامێ یەریێ: ئەیمەن باپیر موراد
نامێ باوانی: کانێ سەلیم / باپیر موراد
یاگێ و ڕێککەوتو شەهیدبییەی: ۲۰۲۰/۰۱/۱٥- دووگرێ/شەنگال
ئەشناسیا بە: شەڕڤان جیلۆ
نامێ یەریێ: نزار باپیر موراد
نامێ باوانی: کانێ سەلیم / باپیر موراد
یاگێ و ڕێککەوتو شەهیدبییەی: ۲۰۲۰/۰۱/۱٥- دووگرێ/شەنگال
ئەشناسیا بە: حەمید شەنگالی
نامێ یەریێ: حەمید خەلیل قاسم
نامێ باوانی: خانێ کەسۆ / خەلیل قاسم
یاگێ و ڕێککەوتو شەهیدبییەی: ۲۰۲۰/۰۱/۱٥- دووگرێ/شەنگال
ئەشناسیا بە: ئێزدین شەنگالی
نامێ یەریێ: عەلی حسێن خدر
نامێ باوانی: نورا خدر / حسێن خدر
یاگێ و ڕێککەوتو شەهیدبییەی: ۲۰۲۰/۰۱/۱٥- دووگرێ/شەنگال
یەکینەکێ بەرخۆدان (مدرامان)و شەنگالی - یەبەشە سەراڕو سەرەوەشی جە کەسوکارو شەهیدانی و سەرجەم گەلو کوردی وازیارەن تا گەل بەش شێوازی شایستە خاوەنداری جە شەهیدەکان و ڕێباەکەیشان بکەرۆنە و بەڵێنچ مڎۆنە: "هیوا و ئاواتەکێ هەر چوار شەهیدی بەدی باوەرۆنە و بە سەرکەوتەی تاجدارشێشان بکەرۆنە".
یاگێ ویروستەیەنە، ئینە یەکەم جارەن جە ۲۰۲۰نە شەنگال بۆردومان بکریۆنە و وەڵتەریچ جە ۲۰۱۹نە چەندین جارێ ناوچەکە بۆردومان کریابێ و بەهۆشەوە چەنڎین شەڕڤانێ وهاموڵاتیێ ئێزیدیێ شەهیدێ و بریندارێ بیێنێ و زیانی فرەی ماددیش جە هاموڵاتیانو هەرێمەکەی دان.
هەرپاسە جە ۱٥و ئابو ۲۰۱۸یەنە، مام زەکی شەنگالی ئەندامو کۆردیناسیۆنو جڤاکی ئێزیدی و ئەندام جە کۆنسەو ڕاۋەبەری کۆماجڤاکێن کوردستانی-کەجەکە، جە ئاکامو بۆردومانو واویەرە جەنگیەکانو تورکیای ئەرەگێریەنە شەهید بیەبێ،
بۆردومان کەردەی یەکینەکێ یەبەشەی جە سەروەختێوەنە مەکریۆنە کە یەبەشە بە یاسا بەشێوەن جە ئەرەمەزیاو وەرگیری وپارێزنای و هێزە چەکدارەکێ ئێراقی و بۆردومانەکە ڕاستە ڕاست دەستدرێژیەن دژ بە سەروەری ئێراقی، بەڵام سەرەڕاو ئانەیە حکومەت و دەسەڵاتدارێ سەربازیێ و ئیداریێ ئا وڵاتەیە بێهەڵوێسێتنێ و کاروەدایشان وەرانوەر بە تورکیای نییەن و ئانێەچە هاندەرەن پەی ڕژێمە ئەرەگێرەکەو تورکیای تا درێژە بە هێرشێ و بۆردومانەکانش بڎۆنە.
