یەرەکە (YRK): با جوانێ بەشدارێ گەریلایەتی ببانێ
یەکینەکێ وەرکەوتوو کوردستانی (YRK) پەی پارێزنای گەلی و خەباتی مەدەنی، داوا جە جوانانو وەرکەوتوو کوردستانی مەکەرۆنە، تا بە رۆحوو مدرامانی و یاوای بە ئازادی بەشدارێ کۆشای گەریلایەتی ببانێ.
یەکینەکێ وەرکەوتوو کوردستانی (YRK) سەبارەت بە گرنگی خەبات و کۆشای گەریلایەتی بانگەواری و ئەرەیاونایش دان و جە میانشەنە دەسنیشانش کەردەن:
ئانە کە کۆشای شاریس ئاستەنەوە، کۆشای گەریلایەتین
"ڕاسەن کە خەبات هەم جە شار هەم جە کەشە سەربەرزەکانو کوردستانینە هەن، بەڵام ئانە کە خەبات و کۆشای شاریس ئاستەنەوە، خەبات و کۆشای گەریلایەتین. ئارۆ فرەتەر جە گرد ڕوێ گەلەکەمان پەنەوازەیش بە هێقم کەردەی هێزو وێپارێزنای هەن. بێگومان هەر گەلێ کە خاوەن هێزوو پارێزناو وێش نەبۆنە، چارەنویسش و ژیوایش چێردەستی و کۆیلایەتیەن".
پەی پووچکەردەی پیلانەکان و پارێزنای گەلی و خەباتی مەدەنی بەشدارێ گەریلایەتی بێدێ
"پەوچی پەی پووچ کەردەی پیلانێ هێزە ئەرەگێرەکێ کوردستانی و بەهێز کەردەی خەبات و کۆشای مەدەنی و گەریلایەتی و پارێزنای گەلی و دەسکەوتەکێمان و سەروستەی ئاخێزو گەلەکەیمان، چوون یەکینەکێ وەرکەوتوو کوردستانی (YRK) داواکارێنمێ جە جوانان وەرکەوتوو کوردستانی، تا بە رۆحوو مدرامانی و یاوای بە ئازادی بەشدارێ ڕێزەکێ گەریلایەتی ببانێ".
کەشە سەربەرزەکێئ ئەڎێمانێ
"ئارۆ کەشە سەربەرزەکێ کوردستانی پەی ئێمە چوون ئەڎێمانێ و هاموەخت سەنگەرو مدارمانی و پەشتی و پەنێمانێ. تا کەش و کوێ کوردستانی بمەنانێ، خەبات و کۆشایشی ئازادیچ درێژەش هەن".
