۱۰۰ ڕێکۋزیێ مرۆیێ: هەڕەشێ و هێرشێ تورکیای کارەسات خوڵقنەڕێنێ
۱۰۰ ڕێکۋزیێ مرۆیێ ڕۆژاڤاو کوردستانی ئاشکراشان کەرد: "هەڕەشێ و هێرشێ تورکیای دژ بە سەرنیشت و وەرهۆرزو سوریای کارەسات خوڵقنەڕێنێ و کۆچبەری گەورەش شۆنیەرە مەیۆنە".
۱۰۰ ڕێکۋزیێ مرۆیێ کە چێرو سایەو وێسەری دیمۆکراتیکیەنە کار و چالاکیێ مەکەرانێ چەنی بیرۆو کاروبارو مرۆیی سەر بە وێسەری دیمۆکراتی سەرنیشت و وەرهۆرزو سوریای کۆبیێۋە و دمایین ئاژە و ڤییەرەکێ ناوچەکەی بە تایبەتی ئەۋەکێشیای ئەمەریکای جە سنورەکێ ڕۆژاڤای و هەڕەشێ و هێرشێ تورکیای دژ بە سەرنیشت و وەرهۆرزو سوریایشان هۆرسەنگنێ و ئەگەرە چەمەڕاکریێکێ قسێشان سەرکریێ و ڕێبازێ پەی ڕووبەڕوویان ۋرزیێ ڕووە.
جە کۆبیەکەنە کە ۲٥۰ ئەندامێ ڕێکۋزیا مرۆییەکان بەشدارێش بێنێ ئاماژە دریا بە هەستیاری بارودۆخەکەی و ئاشکرا کریان: "ئەۋەکێشیای هێزەکێ ئەمەریکای کاریگەری فرە خراپش هەن و زەمینەسازەن پەی کەردەیی کەردەی هەڕەشێ و هێرشەکێ تورکیای و پنەۋازی هەن بە خێرایی ڕاگیری جە ئانەی بکریۆنە".
هەرپاسە جەخت کریاۋە کە، "هەڕەشێ و هێرشێ تورکیای دژ بە سەرنیشت و وەرهۆرزو سوریای جدیێنێ و هاموەخت کارەسات خوڵقنەڕێنێ و کۆچبەری گەورەش شۆنیەرە مەیۆنە و پنەوازی بە ۋێ ئامادەکەردەی هەن".
۱۰۰ ڕێکۋزیێ مرۆیەکێ ڕۆژاڤای ئاشکراشان کەردەن: "ئەگەر تورکیا هێرشش کەرد سەرجەم ڕێکۋزیێکێ درێژە بە کاروبار و چالاکییەکێشان مڎانە و مەیڎانەکەی پەی دوژمنی چۆڵ نمەکەرانێ و جە هامکاری کەردەی هاموڵاتیان بەردەۋامێ مەبانێ".
جە کۆتایی کۆبیەکەیەنە سەرو هەستیاری و مەتەرسیداری بارودۆخەکەی یاداشتنامە ئامادەکریا و بڕیارەن بکیانیۆنە پەی سەرجەم لایەنە پەیوەندیدارە هەرێمیێ و جیهانییەکان.
