ئێساڵ کەم ڤارانی و وشکەساڵی دەگاو (هانەگەرمڵە)ی سەر بە شارو (نودشە)یش جە هەرێمو هەورامانی ڕووبەڕوو بارودۆخێوی سەختی کەردەنەوە. بەجۆرێ تا ئیسە ١٧ هانێ و سەرچەمێ وشکایشان ئاومان.
هاموەخت بیرو دەگاکێ کە ئاوی پەی هاموڵاتییەکان دابینە مەکەرۆن، ئاوەکێش جە ٤٨ مەترێوە پەی ٣٨ مەترێ کەمش کەردەن و ئەگەرش هەن جە درێژمەودانە وشکایش بەیۆنە.
بارودۆخەکە هانەگەرمڵەیەکێش نیگەرانێ کەردێنێ و خەمشانە باغێ و مزراکێشان زەرەمەندێ ببانێ. هەر پەوکەی وازیارێنێ جە دەوڵەتی؛ بە خێرایی چەنڎ بیرێ ئیرتوازیێ قوڵێ هۆربکەنۆنە، تا جە ڕاشانەوە باغێ و مەزراکێشان جە وشکبییەی ڕزگارێ بکریانێ.

نامێ بەشێ جە هانێ و سەرچەمەکێ هانەگەرمڵەی:
مێڎان، سلێمان بەگ، هانە مرۆ، خانم، هەڵوچە، لالۆ سەلیم، حاجی عوسمان، حاجی حامێڎ، حەمە وەیس....