دەوڵەتو تورکی بەردەواما جە سیاسەتە دوژمنکارانەکاش و پڕۆسەو ئەرەگیرکەردەی پەی سەرو خاکو هەرێموو کورڎەسان و عێراقی. تا مۍ ناڕەزایەتییەکۍ دژوو دەسدرێژی و ئەرەگیریەکا تورکیای پەی سەرو خاکو پانیشتوو کورڎەسانی-عێراق ئینۍ زیاڎ بیەینە. سەبارەت پا پاشێل کارییا ڕامیاریمەدارا عێراقی چنی ئاژانسوو هەواڵوو فوراتی قسېشا کەردۍ و ئەرەیاۋناشا کە تەماموو هاموڵاتیا عێراقی ۋەرا ۋەر بە ئەرەگیرکاریەکا تورکیای بە تنی ناڕەزایی بەربڕا.

ڕاوەبەرێوە دەوڵەتو سوننەی و واتەواچوو هۆزەکا نەینەوای، شێخ موزاحم ئەلحوەیت، واتش: "ئیجارە سوپاو تورکیای بەتەنیا جە عێراقەنە بنەش نەوستێنە و واتش، چەکڎارۍ سوریایش بە نامۍ سوپای ئازاڎیی (سوپای نیشتمانی) چنی ۋێش ئاوردێنۍ و جە مەنتیقەکەنە بنەشا وستێنە. ئەلحوەیت ماچۆ ئی بەکرێگرتۍ دەوڵەتو تورکی بیێنۍ بە هێزی باڵادەس جە عێراقەنە. چونکی جە هەر١٠٠ سەروازۍ تورکی تەنیا ١٠ سەروازێشا هینۍ سوپاو تورکیاینۍ و ٩٠ سەروازۍ تەرێشا هینۍ سوپاو ئازاڎوو سوریاینۍ. ئینەیچ مەترسیێوە گۊرەن پەی سەرو مەردموو عێراقی. چونکی بیەو تورکیای ئەرەگیریێوە سیستماتیکو خاکو عێراقیا. حەرپاسە عێراق داواو کێشتەیۆ هێزە بیانییەکا جە خاکەکەیشەنە مکەرۆ.

عەلی مهدی، یاگەگیرو سەردارو ناوەڼو بەغڎای پەی پەرەپنەدای یاسای و ئابووری و سەردارو حزبو شیوعی عێراقی ڕۊشنشکەردۆ کە نەتەوۍ فرۍ جە تورکیانە مژیوا، بەڵام دەوڵەتو تورکیای دوژمنوو ئا نەتەوانە بە تایبەت کورد کە داواو ئازاڎیی و ئاشتی مکەرا و واتش: "دوژمنوو پارتوو کرێکارا کورڎەسانیا. دەوڵەتو تورکی ئیسفاڎە جە ملەملانە دلېینەییەکا عێراقی هۊرمگېرۆ و هەوڵ مڎۆ جە ڕاو ئەرەگیریەکاشۆ زاڵ بۆ سەرو گرڎوو عێراقیرە."

حەرپاسە مهدی ئەرەیاۋناش، کە هێزە سیاسییەکاو عێراقی و ئەنجوومەنو ئاسایشوو نیشتمانیی عێراقی بە ڕسمی بنەوستەو هێزە ئەرەگیرکەرەکاشا ڕەڎ کەردەنۆ و ئەرەیاۋنانش کە بە شێوەو چالاکییە جیاوازە مەدەنیەکا بەردەوامۍ با جە ناڕەزایەتیەکاشا دژ بە ئەرەگیرکەردەی، پۊکەی ڕووانە خەڵکی مەدەنی بانۍ بە قوربانی. ڕاوێژکارو ئاسایشوو نیشتمانی عێراقی سەردای هەولێریش کەرد. ئاڎۍ کارەکاشا پەی بنەوستەو هێزو پارېزنای سنووری جە ما بەینوو عێراقی و تورکیاینە ئەنجام مڎا. بۆشایی ئەمنی چا بوارەنە پەڕمکەراوە و ڕا جە تورکیای مگېرا کە بەهانێش دەسۆ نەمەنۆ پەی دەسدرێژییەکاش پەی سەرو خاکو عێراقی".