"ڕاپیمای ئازاڎیی" بەرەو گەملیک پۍ ئازاڎیی ڕابەروو گەلوو کوردی عەبدوڵا ئۆجالانی بەردەواما. فرېوە چا کەسا کە هېزی جە شارەکا دەوروبەریۊ بە سەڎان ترۊمبېلۍ کۊتۍ ڕا، ئیسە سەروو ڕاو گەملیکیوە مردېنۍ.

جە هەرێمەکاو ئەگێ و مەڕمەڕەی، فرەو کەسا جە سەرسەعبۆ کۊتېنۍ ڕا. پۆلیسوو بۆرسای و مەنتیقەکا دەوروبەریش، ئاڎېشا تەوقەدۍ و یۊ بە یۊ ترۊمبېلەکېشا مردنۍ. ئاپۊڕاو جەماوەری سەرەڕاو هەوای چیای و ۋارانی، هۊرپڕای کەرا و چەمەڕېنۍ بلا دلۍ گەملیکی.

ترۊمبېل و پەرلەمانتارێوە بە کرێن هۊرگیریا

جە لېوە تەرۆ، ترۊمبېل و پەرلەمانتاروو هەدەپ  و ئامەڎیی، سەرحەد ئەرەن کە جە مەنتیقەو توزلەی ئیستەنبوڵیوە بەرەو گەملیک لووۍ، جە لایەنوو پۆلیسیوە مردناشا و بە کرېنێوە هۊرگیریا.

بۆرسا

جە شاروو بۆرسای کە ناوەنڎوو ڕاپیماکەین، گەل جە کۊڵانەو عەرەبایتاگی مەحاڵەو یەڵدرمینە کوۍ بیۍ. شۊنەو کۆبیەیۊکەی جەلایەنوو پۆلیسیوە تەوقەدریابۍ. حەرپاسە جە مەنتیقەو ئەنگۆڵی و یەڵدرمی بارەگۍ پارتەکەی جە لایەنوو پۆلیسوە تەوقەدریۍ. جە مەنتیقەو ئەنگۆڵی ڕا نەڎریا جەماوەر بلانۍ دلۍ بیناو پارتەکەیۊ، جە مەنتیقەو یەڵدرمیچنە ڕا نەڎریا بەرەو بارەگاکەی کریۊوە.