ئەنداماو کۆمیتەو چالاکی و ڕۆشنویری و هونەری "باقی خدۆ"ی، پەی مەبارەککەرڎەی جەژنەو نەورۆزی، جە ٢١وو ئازارینە، جە تەپوو مشتەنوروو کۆبانێنە، دلۍ شارەکەیرە گێڵۍ و بە وانایۆ ئەرەیاونایۍ داواو بەشداربییەیشا جە خەڵکی کەرڎە.

ئەرەیاونیاکە جە لاو "سوعاد خەلیل"ۍ ئەندامەو ڕاوەبەریی ئەکادیمیاو گەشمەرڎە "ڤیان ئامارا"یۍ ونیاوە و دلێشنە ئامابێ: "نەورۆز پەی گەلەکەیما مدرامانا وەراوەروو زوڵمی و زۆرداری. نەورۆز نیشانۍ و بەرجەستەکەرڎەی ژیوایۍ تازەین".

ئەرەیاوناکەینە ئاماژە بە هەوڵەکاو قڕکەرڎەی و پاکتاوکەرڎەی گەلوو کورڎی کریان و ئانەیچ وچیان: "بە هەنگامەو تەڤگەروو ئازاڎی و ویر و فەلسەفەو "ڕابەر ئاپۆ"ی، گەل سەروو پایاوە مەنەنۆ و بە مدرامانی بێوێنەوە دژوو پاکتاوکەرڎەی و بندەسی مردانۆ. بە ڕەنگەو وەهاری و واوەی ژیوایۆیۆ ٥٠ نەوۆرزۍ، یۆ دماو یۆی مەبارەکۍ کریا. گەلوو کورڎی لە سەیەو تەڤگەروو ئازاڎیوە ڕاو وێش ئشناسێنەش و پەی ئا ڕۍ کۆشیۆ و جەنگش پەی کەرۆ".

جە بەیاننامەکەنە جەژنەو نەورۆزی، جە گەلاو سەرنیشت و وەرکەوتوو سووریای، گرڎوو دنیۍ، جە دەزگا و ڕێکوزیایەکا و بەتایبەتی کەسوکاروو گەشمەردا و ڕابەروو گەلوو کورڎی "عەبدوڵڵا ئۆجەلان"ی مەبارەک کریان.

جە ئاخیروو ئەرەیاوناکەینە داواو بەشداریکەرڎەی گرڎکەسی، جە ئاهەنگوو ٢١وو ئازاری، جە تەپوو مشتەنورینە کریا.

س.ز