بۆلۆنیانە خێراماێوی گەرم کریا چا کۆنسێرتەیە پەی ڕابەروو گەلوو کوردی ڕێک وزیا
زنجیرە کۆنسێرتوو "Tempo de sperenza" (کاتی هومێدین) کە ساڵەو پاری ئیتاڵیانە دەسش پەنە کەرد، کرد، ڕۆو یەرێ شەممەی بۆلۆنیانە بە بەشدارێوی گەورە بەردەوام بی.
برێشیا و میلانۆ و ئەلیساندریا و ڕۆمانە کۆنسێرت پەی ڕابەروو گەلوو کوردی عەبدوڵا ئۆجالانی ڕێک وزیا، درێژەو ئی زنجیرە کۆنسێرتەینە، شاروو بۆلۆنیاینە کۆنسێرتێوە کریا.
کۆنسێرتەکە (RETE Kurdistan) و نویسیگەو زانیاریی کوردستانی ئیتاڵیانە و هونەرمەندا ئیتاڵیاوە ڕێک وزیان، مەیدانەکە بە ئاڵاو پەکەکەی و یەپەگەی و یەپەژەی و پۆستەروو ڕابەروو گەلوو کوردی عەبدوڵا ئۆجالانی ڕازیاوە.
کۆنسێرتەکە بە بەشداریی هونەرمەندە نامییاو ئیتاڵیای کریا، خێرامایێوی گەرمش وەنە کریا، چند بەشێو جە وەرگێرینامەو ڕابەروو گەلوو کوردی عەبدوڵا ئۆجالانی ونیاوە.
جە ڕێکوزیاو کۆنسێرتەکەی، دۆمینیکۆ موجیگنات واتش ساڵەو ١٩٩٨ وەختێ ڕابەروو گەلوو کوردی عەبدوڵا ئۆجالان ئامان ئیتاڵیا فیکروو ئادیش ئشناسان، واتش: " چا وەختۆ ، پەی بەدیئامای ئازادیی جەستەیی عەبدوڵا ئۆجالانی و وەڵابییەیوە فیکریش جیهانەنە، چێش جەدەسیم بێ مکەرووش. عەبدوڵا ئۆجالان پەی گردیما ڕابەرێوی فەلسەفی و سیاسیین".
حەرپاسە واتش: "ڕاو ژیوای ئاشتییانەو گلێرگەکا، کۆنفیدراڵیزمی دیموکراتیکا. ئێمە پەی ئازادیی ئۆجالانی درێژە بە کۆشیای مدەیمێ".
هونەرمەند و نویسەر پێرپاولا کۆپڤیلا واتش: "ئۆجالان پەروەردەکارا، ئۆجالان سیاسەتمەدار نییەن، هاموەخت ویرمەندێوی گەورە هامشێوەو ئەنتۆنیۆ گرامشیین. فیکروو ئۆجالانی سەرسڕئاوەرا. کۆنفیدراڵیزم فۆڕمێوێ تازەو سۆسیالیزمیین، سۆسیالیزموو ئی سەردەمەیە، کۆنفیدراڵیزمی دیموکراتیکا".
هەرپاسە ئەرەیاوناش فیکروو ڕابەروو گەلوو کوردی عەبدوڵا ئۆجالانی ئینا ئاستێوی وەڵێکەوتەنە، واتش: "هومێدەوارنا دەمودەس ئازاد بکریۆ. گەرەکمانە عەبدوڵا ئۆجالانی پاڵوو وێمانە بوینمێ".
