بۆنەو هجوومەکەو سەروو کانتۆنوو عەفرین-شەهبایوە، زارۆڵێوە بریندار بی
دەوڵەتوو تورکی ئەرەگیری و چەتەکاش هجوومشا کەرد سەروو شارەکڵەکاو شەرای و شێراواو کانتۆنوو عەفرین-شەهبای و کەمپوو شەهبای و زارۆڵێوە بریندار بی.
بە قسێ سەرچەمە سەرچەمە هەرێمییەکا، چەتەکاو سەر بە دەوڵەتوو تورکی ئەرەگیری ٩و ئابی سەعات ٠٥:٠٠و بەیانی هجوومشا کەرد سەروو خەتەو شەرای کانتۆنوو عەفرین – شەهباینە.
ئەرەیاونیان کە جەنگێوی سەخت بەینوو هێزەکاو ڕزگاریی عەفرینینە و چەتەکانە ڕووەش دێنە، زەرەری گیانیی فرە وەروو چەتەکا کەوتەن، هاموەخت ئەرەیاونیان کە دماو جەنگەکەی چەتەکێ بەرێشیێنێ.
دماو هەوڵێ چەتەکاو دزەکەردەیشا پەی شەرای، سوپاو تورکی و چەتەکێش دەگایەکاو زیارەت، تنەبێ، شوارقا، مەرەناز و مالکیەو سەر بە شارەکڵاو شەرای و شێراوایشا بۆردومانێ کەردێ.
هەرپاسە کەمپوو شەهبای بۆردومان کریان و ئەنجامەنە زارۆڵیوی ١٥ ساڵە بە نامێ لیلاڤ عەلی بەکریوە بریندار بییەن.
دەگایەکاو دوەرووبەروو شارەکڵەو شێراوای و دەوروبەروو کەمپوو شەهبای جە کشتهار و دەگا و شارەکڵەکاو تل ڕفعەتوو شەراینە ڕووبەڕووێ بۆردومانی قورسی بیێنێوە.
