ئەڼامو ڕێکوزیاو سی پی تی ئەمریکی، کامەران عوسمان ئەرەیاۋناش هېزی شەوۍ سەعات ٢٠:٣٥ دەیەقۍ فرۆکە جەنگییەکۍ دەوڵەتو تورکی دوو جارۍ دۆڵەو شلەکەی جە دەگاو عەندزێی سەر بە مەنتیقەو سەنگەسەریش جە بنارو قەندیلی بۊردوومانکەردەن.

سی پی تی ئاماژەش پانەی کەردەن بە مەڵامەتوو بۆردوومانەکاوە تا ئیساتۍ ١٥ جە سەڎو پوش و پاوان و دارسانەکا  دەگاو عەندزەی سوتێنۍ و لایەزال ئێرەکە نەکوشیانۆو بەردەمیش هەن.

ئەرەیاۋناش تا ئیساتۍ زەرەری گیانی نەبیەن بەڵام بەشێوە فرەو سروشتوو مەنتیقەکەی سۆتەن.

دەگایەکۍ ناچار بە چۆڵکەردەی مکریا

هەر جە درێژەو هەڕەشۍ و ئەرەگیریەکانە، پەدەکە جە هەمان ڕۊنە بە زۆری زۆرداری دەگایەکۍ مژێ، مژێی کۆنە مژێ، سپیندار و گیرگاشیش جە هەرێموو بەر گارەیی سەر بە مەنتیقەو ئامێدی جە دهۆک چۆڵێکەردێنۍ.

مەردموو دەگایەکا جەختشا جە لوای دلۍ دەگایەکاشا کەردەنۆ پەی پەنەوازیەکاشا، بەڵام ۋەرپەرسا پەدەکەی نۆکەری ڕاشا جە دەگا نشینەکا گێرتەن و پنەشا واتێنۍ کە بلا جە دەوڵەتو تورکی ئەرەگیری کە جە ئیساتێنە هەرێمەکەی ڕاوەبەرمکەرۆ 'ئیجازە بووازا '.