چەتەکۍ هەیئەو تەحریر ئەل شامی  دما نیمەڕۆو هێزی لوۍ دلۍ شارو حەلەبی.

یۆبیەی سایەقا تەبقەی، هێزی پەی ئا کەسا کە گەرەکشا بیەن جە شارەکەنە بزیاوە ٦٠ پاسێش کیاستێنۍ. یۆبیەی سایەقا ئارۆ ٥٠ پاسۍ پەی حەلەبی، کیانۍ ڕەقە. ١٩ پاسۍ کە خۆنکارا شارەکەیش چنەنۍ، حەلەبشا جیا ئاست.

ۋەرپەرس جە وێسگەو پاسەکا ڕەقەی حەسەن ئەل خابوور ئاماژەش پانەی کەرڎ گەلی بەبێ زەڕ فاڕاوە. هەرپاسە حەسەن ئەل خابوور ئانەیچش دەسنیشانکەرد کە ئیدارەو ۋێڕاوەبەری پەی گێڵایۆ گەلی بەسلامەتی ڕاو جای تایبەتش گێرتەنەنە ۋەر.
حەسەن ئەل خابوور ئانەیچش باسکەرد ئەر پەنەواز بکەرۆ ترۊمبێل مکیانمۍ پەی مېیانو حەلەبی. شۆنەمێوە سلامەت پەی گرڎ لێوە پێڎا مکەرا.
هامسەرۆکو یۆبیەی سایەقا تەبقەی محەمەد ئەل عومەر ئەرەیاۋناش کە ئەرکو ۋێشا جا بەجۍ مکەرا.
جە دەروازەو ئەبو عاسی جە تەبقەنە شلۊقیێوە فرە هەن.