بڕێوە شەنگالیێ تەرێ نامێ وێشا نویستە پەی گێڵایۆ
چوارچوەو گێڵایۆو کۆچبەرە شەنگالییەکانە پەی شەنگالی، کامپوو خانکێی دهۆکینە، زیاتەر جە ١٠٠ کۆچبەرای تەروو شەنگالی نامێ وێشا نویستێنە پەی گێڵایوە پەی شەنگالی.
بە پاو زانیارییەکا کامپوو خانکێی دهۆکینە زیاتەر جە ١٠٠ کۆچبەراو شەنگالی نامێ وێشا نویستێنە پەی گێڵایۆ پەی شەنگالی.
شەنگالییەکێ سەروو ئۆفیسی وەزارەتوو کۆچ و کۆچەبەراشا دا، شاروو سێمێلوو پارێزگاو دهۆکینە و داواشا کەردە، کە زووتەرین وەختەنە بگێڵانێوە پەی شەنگالی.
یۆ چا کۆچبەرا کە گەرەکش نەبێ نامێش ئاشکرا بکریۆ، بە ئاژانسیماش وات، ماوەو ١٠ ڕوانە گردوو بەڵگەکاشا پەی گێڵایوەیشا پەی شەنگالی نویستێنە و ئینێ جە چەمەڕوانیی ئانەینە دەسەڵاتوو پانیشتوو کوردستانی ڕاو گێڵایوەیشا بدۆ پەی شەنگالی.
شایەنوو باسین تەنیا ماوەو ئی مانگێنە زیاتەر جە ٦٠٠ بنەیاناو شەنگالی گێڵێنێوە پەی ماواو وێشا شەنگالنە.
هەرپاسە موچیۆ، کە چندین جارێ لاو دەسەڵاتداراو پانیشتوو کوردستانیوە هەڕەشێ ئانەیە وەنەو کۆچبەرا کریان، کە بەروستەی ناڕەزایەتیین وەراوەروو قەراروو گێڵایوە کۆچبەراو وەزارەتوو کۆچ و کۆچبەراو عێراقی.
