ڕۆو شەممەی عاتفە ڕەنگریزە نویسەرە، ورگێڵنە و چالاکەو بواروو مافەکاو ژەنا دماو ئەرەنیشتەی دادگای  لەقوو یەکوو دادگای گردینین و شۆڕشینە شاروو دامغانینە، گیریێنە و فاڕیێنۆ پەی زیندانوو شاهرودی.

وەڵتەر ئا چالاکێ بەمەبەسوو وەرگریکەردەی جە وێش وەراوەروو تۆمەتەکانە "وەشکەردەی گرووپی پەی تێکدای ئاسایشوو وەڵاتی"، "پڕوپاگەندە دژوو دەسەڵاتی" و "وەڵاکەردەیوە دروا تۆڕەکۆمەڵایەتییەکانە بە ئامانجوو لاڕارەبەردەی ڕای گردینی" چڕیەی دادگایش یاوابێ دەس.

عاتفە ڕەنگریزە ١٠و ئەیلوولوو ٢٠٢٣ هێزە ئەمنییەکا دامغانەنە گێرتە و فاڕاشاوە پەی ئیتلاعاتوو سمنانی. دماو تەمامیای وەنەپەرسایوە فاڕیاوە پەی زیندانوو شاهرودی و ٢١و تشرینوو یوەموو هەمان ساڵینە بە نیایرەی بارمتەی دارایی بەکاتی ئازادە کریێبێ.

ئا چالاکێ بواروو مافەکاو ژەنا وەڵتەرێچ بۆنەو چالاکییەکاشۆ ڕووبەڕووەو گێرتەی و وەنەپێتەیوە بیێبێوە.