جە چالاکیی "دەنگت بوزە پاڵو ئازاڎیی"پەی ئازاڎیی ڕابەرو گەلوو کورڎی عەبدوڵا ئۆجالانی، ئاماژە پانەی کریا کە ٤٤ مانگێن هیچ زانیاریێوە جە دوورگەو ئیمراڵییوە نییا، داوا جە دەسەڵاتو ئاکەپە_مەهەپەی کریا دەس جە سیاسەتو نادادی هۆربگێرا.
جەمەو پەشتیوانی و هامکاری جە بنەیانەو زیڼانیا (توای_دەر)ی جە وان دەربارەو گۆشەگیری ڕابەرو گەلوو کوردی عەبدوڵا ئۆجالانی جە جاڎەو هونەرینە چالاکیی "دەنگت بوزە پاڵو ئازاڎیی"ش ئەنجامدا. ئەنداماو پارت و ڕێکوزیاکا و قەومو کەسوکارو زیڼانیا و چالاکا و هاموڵاتیا بەشدارۍ چالاکییەکەی بێنۍ.
ڕاوەبەرو توای_دەری ئەمین شەکەر ئەرەیاۋناش دەسەڵاتو ئاکەپە_مەهەپەی زیڼانەکا پېسە ئامرازێوە تەرسنای و بێدەنگکەردەی چالاکا گلېرگەی بەکار مارۆ، واتش: "پېسە قەومو کەسو زیڼانیا ئی سیاسەتو گۆشەگیری و فشاری و تەرسنایە قبووڵ نمەکەرمۍ، داوا جە دەسەڵاتی مکەرمۍ دەس چی سیاسەتە نا دادپەروەریەیشە هۆربگێرۆ ".
"٤٤ مانگێن هیچ زانیاریێوە جە ئیمراڵیۆ نییا"
شەکەر ئەرەیاۋناش گۆشەگیری سەرو ڕابەرو گەلوو کوردی عەبدوڵا ئۆجالانی ڕۆ دماو ڕۆی قووڵتەر مەبۆوە، ٤٤ مانگێن هیچ زانیاریێوە جە دوورگەو ئیمراڵیوە نییا، گرڎو داواکارییەکا پەی ئەنجامدای دیڎاری بێ جواب مەنێنۍ، جە گوزارشتەکا کۆمیتەو ڕاگێرتەی جە ئەشکەنجەو ئەوروپای (سی پی تی) بەهەمانشێوە مافو خەیری کۆناری و حامیلی یەڵدرمی و وەیسی ئاکتاشی کە زیڼانو ئیمراڵینە زیڼانیێنۍ، پاشێل مکریۆ و گۆشەگیری بەردەواما.
چالاکییەکە بە بەرزکەردەیۆ درووشمەکا "بژیۋۆ مڎرامانوو زیڼانیا" و "بژیۋۆ مڎرامانو ئیمراڵی" و چالاکیی ئەرەنیشتەی دمایش پنە ئاما.
