ئەرەیاونیا کە سەروازاو تورکی ئەرەگیرکەری ١٦و تەمووزینە ٧ کەسێشا نزیکوو دەگاو زەرێی شارەکڵەو بلبلوو عەفرینینە ئڕفانێنێ. یۆشا حەسەن عەلی عەلی ٢٨ ساڵەن و خەڵکوو دەگاو عەین حەجەرەین و ئەوێ تەرێ خەڵکوو حەڵەبینێ.

ئەرەیاونیا، کە ئڕفانیێکێ فاڕیێنێوە پەی زیندانوو دەگاو ئاشکای جندرێسەنە، کە ئینا چێرو دەسوو چەتەکاو "سوڵتان سولەیمان شا"ی و "ئەل ئەشمات"ینە و ئەشکەنجە مدریانە.  

ڕێکوزیاو مافەکاو ئینسانوو عەفرین-سوریای واتش، کە هەواڵگێریی دەوڵەتوو تورکی و چەتەکێش "پۆلیسی سەروازی"  ١٢و تەمووزینە زاڕۆڵێوەشا بە نامێ ئەسمەهان محەمەدی ( ١ ساڵ)یوە گەڕەکەو مەحمودیەو عەفرینینە ئڕفانان.

هەرپاسە چەتەکاو دەوڵەتوو تورکی ئەرەگیرکەری ٧و تەمووزی هاموەڵاتێوەشا بە نامێ محەمەد ئەحمەد محەمەد عەبدۆی ٤٢ ساڵەی دەگاو ئاڤرازێی شاروو مابەتاینە گەڕەکەو مەحمودیەی جادەو مەکتەبی پیشەیینە ئڕفانا و کەس هەواڵش نمەزانۆ.