ناوەندوو دۆکیۆمێنتکەردەی پاشێلکارییەکا، ڕاپۆرتەو حەفتەو یوەموو مانگەو ئابوو تاوانەکاش عەفرینەنە وەڵا کەردۆ.

بە پاو ڕاپۆرتەکێ چەتەکاو  "پۆلیسی سەروازی"ـی سەر بە سوپای ئەرەگیرەو تورکی ٥و ئابی شاروو ڕاجۆینە دوێ زارۆڵێشا بە نامەکاو ڕێناس عومەری (١٦ ساڵ)ی و خەلیل عومەری (١٧ ساڵ)ی ئەشکەنجە دێنێ.

سەروازاو دەوڵەتوو تەرکی ئەرەگیری تەقەشا وەنەو گەنجێوی کەردەن بە نامێ محەمەد خەڵەفیوە، ئا وەختە هەوڵێش دێنێ بلۆ پانیشتوو کوردسانی، بەسەختی بریندار بییەن.

ئڕفانای، داواکەردەی فیدیەی

چەتەکاو "جەیش وەتەنی"  شاروو عەفرینینە عەدنان محەمەد عەلی حاجی (٦٣ ساڵ)ە و کوڕەکەش عەلی عەدنان حاجی (٢٠ ساڵ)ەشا ئڕفانێ، چەتەکاو هەمان گرووپی شاروو جەندریسەینە  حەسەن عەلی (٤٧ ساڵ) و محەمەد عەلی (٣٣ ساڵ)ە و ٢ کەسێشا شاروو حەماینە ئڕفانێ.

هەرپاسە ٣ی ئابینە، هاموەڵاتێوە بە نامێ  خەلیل عەبدۆ جمۆی خەڵکوو دەگاو بەرادوو سەر بە شاروو شێراواو عەفرینی چەتەکاو "پۆلیسی سەروازی"ی ئڕفانا.  

هەرپ-اسە ڕاپۆرەتکێ تیشکەش وستێنە سەروو ئا کەسا وەراوەروو فیدیەیوە ئازادێ کریێنێ. بە پاو ئا ڕاپۆرتێ هاموەڵاتیوە بە نامێ ئەحمەد محەمەدیوە یانەکەو وێسەنە تورکیانە بەزۆر ڕەوانەو عەفرینی کریان و ئڕفانیان. چەتەکاو " پۆلیسی سەروازی"ی دماو ١٥ ڕوا جە ئڕفانای ئەحمەد محەمدەی ٦و ئابین وەراوەروو پەنج هەزار دۆلاراوە ئازادشا کەرد.

جوان حەمید خەڵکوو دەگاو ئۆگاو شارەکلەو بلبلەی ١٨ و تەمووزو ئێساڵینە عەفریننە ئڕفانیا، چەتەکاو "پۆلیسی سەروازی"ی بە ٤ هەزار دۆلارێ وەرشا دا.

دەسملەرەگێرتەی مڵکی

چەتێوە بە نامێ عەبدولڕەزاق حەمدۆی دەسش گێرت سەروو یانەو هاموەڵاتێوەرە بە نامێ مەروان حەنانی خەڵکوو دەگاو جەبەلیەو عەفرینی.

چەتێوی گرووپوو ئەحرار شەرقیەی شاروو عەفرینینە یانەو هاموەڵاتێوەش بە نامێ عەبدولرەحمان محەمەدی خەڵکوو دەگاو خلنێری، بە ١٥٠٠ دۆلارێ ورەت بە چەتێوە خەڵکوو حەمای.