قوربانییاو سکێنی یادێ کریێوە
لوجنەو تەندرووسیی شەنگالی ساڵیادوو کۆکوشیی سەروو خەسەخانەو سکێنینە، گەشمەرداو ئا کۆکوشییەیشا یادێ کەردێوە.
و ئابوو ٢٠٢١ینە دەوڵەتوو تورکی ئەرەگیری، چوار جارێ بە فڕۆکەی جەنگی خەسەخانەو سکێنیش بۆردومان کەرد. ئەنجاموو ئا بۆردومانانە چوار کارمەندێ تەندروسی گەشمەردێ بیێ و چوار چەنگەوانێ هێزەکاو یەبەشەیچ کە پەی چارەسەری چاگە بێنێ گەشمەردێ بیێ.
ساڵیادوو کۆکوشییەکەینە لوجنەو تەندروسیی شەنگالی بە وانایوە ئەرەیاوناێوە، یاگێ هجوومەکەینە بە ئامادەبییەی لوجنەو تەندروسی شەنگالی یادوو گەشمەرداو کۆکوشییەکەیش کەردۆ.
ئەرەیاونایەکەنە ئاماژە پانەیە کریا، کە دەوڵەتو تورکی دژوو گلێرگەو ئێزدین و ماچۆ:" ئا چیوە کە ئیسفادە بە گلێرگەو ئێزدی میاونۆ، دەوڵەتوو تورکی هجوومش مکەرۆ سەر و گردوەختێ پەی دلێنەبەردەی چێرخانی تەندرووسیی شەنگالی هجوومێ مکەرۆ، پیسەو تەندرووسیی شەنگالی دژوو ئا هجووما واوەی ئەرەمەرزیا تەندرووسییەکام ئەرەمەرزنمێوە و گرد وەختێ ئینایمێ خزمەتوو گلێرگەی ئێزدینە."
