دەم پارتی: داوا جە گرڏ کەسێ مکەرمێ کە بە جددییۆ مامەڵە بکەرا
دەم پارتی پێوەس بە نزیکایەتی وەرا وەرو ڕابەر ئاپۆی داواش جە گرڏی کەرد بە جددیەتۆ مامەڵە بکەرا و واتش: "داوا مکەرمێ دەسبەردارو زوانو هەڕەشێا و ساتو سەودای بانە."
دەم پارتی ئەرەیاوناش، کەس نمەتاوا ئێمە پێسەو دژو پرۆسەکە نیشانە دۆنە، ئێژا ئۆجالان ئا پرۆسەیە ئیسە هەن بە فیداکارییێ گۆرە و بە قەراردارییۆ درێژەش پنەمرۆ، داوا جە گرڏ کەسێ مکەرمێ جە بارەو هەڵوێسیشا وەراوەرو ئێژا ئۆجالانی بە جددی مامەڵە بکورا.
نووسینگەو ئەرەیاونا پارتو یەکسانیی و دیموکراسیی گەلا (دەم پارتی) سەبارەت بە هۆرسەنگناگا دەربارەو ڕابەرو گەلو کوردی عەبدوڵا ئۆجالان دماو چەمپنەکەوتەکەو ئیمرالی ئەرەیاونێوە نوویسریاش وەڵاکەردۆ.
جە ئەرەیاوناکەو دەم پارتینە ئامان، چەمپنەکەوتەو شاندو ئیمرالی دەم پارتی چنی ئێژا عەبدوڵا ئۆجالانی، جە ڕاو گرڏینە دۆخێوە ئەرێنیش دروسکەرد، هیواو گلێرگەیش گۆرەتەر کەرد، پارتەکەما وەرو ئەرەکۆشای ئاشتیی و چارەسەری ساڵانێوە فرەن باجێوە قورس مرۆنە، پارتەکەما نەک تەنیا ئەکتەرێوە سیاسیی ئی جە هەمان کاتەنە کارەکتەرو پرۆسەکەشا، وەرو ئانەی پارتەکەما دژو جەنگی و چنی ئاشتیی و چارەسەرین، کەس نمەتاو ئا حەقیقەتەیە پێچەوانە بکەرۆوە و هۆرسەنگنای جیاوازش پەی بکەرۆ.
دەم پارتی جە ئەرەیاوناکەیشەنە ئاماژەش بی خاڵا کەردەن:
- ئێمە ئاگادارو ئا کەسانمێ کە بە سووربییەیۆ بڕێ هۆرسەنگناو پارتەکەیما و کەسە سیاسییەکاما پێسە 'هەڕەشێ' و 'دەم پارتی دژو پرۆسەکەین' نیشانە مرا، ئی کەسێ، جە ئیسۆ هەوڵ مرا بەهانی هورئامای وێشا خازر بکەرا، بەڵام کەس نمەتاو چینەیە ئەنجام هورگێرۆنە، کەس نمەتاو دەم پارتی پێسەو 'دژو پرۆسەکە' نیشانە دۆنە.
- ئێمە خاس زانمێ کێ دژو چارەسەرییا، ئا کەسێ سەرەڕاو هەڵوێسو پۆزەتیڤی و هەوڵەکا پارتەکەیما سووکایەتی مکەرا، ئانێ گرڏ ڕوێ هەڕەشێ جە گەلا مکەرا، گۆرەتەرین دژبەرو چارەسەر و پرۆسەکەینێ.
- ئێمە، نوویستەو قەڵەمە لایەنگرەکا ڕۆنامەوانا کە پێسەو جەنگوازای وینمێ، سەرو شاشەکاوە جەنگ مکەرا و درۆ و بوختانەکاشا ڕەت مکەرمێوە.
- ئێژا ئۆجالان بە فیداکاری و قەرارێ گۆرەوە جە پرۆسەکەی نزیک بۆوە، ئێمە، جە بابەتو هەڵوێس وەراوەرو ئێژا ئۆجالانی داوا جە گرڏ کەسێ مکەرمێ کە بە جددی مامەڵە بکەرا.
- با کەس بە فێڵبازانە متمانە بە دەسەڵاتو میدیایی وێس نەکەرۆ و هەوڵو وێدزییەیۆ جە وەرپرسیارەتی نەرۆ، گەلەکەما کە داواو چارەسەر مکەرۆ، ڕا بی کردەوە هەرزانا نمەرۆ.
- بێگومان چارەسەریوە دیموکراتی و ئاشتیێوە شکۆدار مێ ئی خاکە، دەم پارتی ڕا مەرۆنە دەوروبەر ئەرو چارەسەریی ژەهراوی بکەرا، پارتەکەما جە گرڏ کاتێ زیاتەر بە هەستیاری نزیک بۆوە و گرڏو وەرپرسیارەتیێ پرۆسەکەی جە ئەستۆ گێرۆ.
- پارتەکەما داوا جە گرڏ لایەنە پەیوەندیدارەکا مکەرۆ کە بە هەستیارییۆ مامەڵە بکەرا و واز جە هەڕەشەکا بارانە.
