پەرلەمانتاروو دەم پارتی سەزای تەمەلی پەشتگیرییش جە ٦٩ خەڵاتکریایەکاو نۆبڵی کەرد، کە داواو ورگێرتەی گۆشەگیری و بەدیئاردەی ئازادیی جەستەیی ڕابەروو گەلوو کوردی عەبدوڵا ئۆجالانیشا کەرد و واتش: و "پەشتگیری چا چێوا مکەرمێ کە نامەکانە وچیێنێ ".
سەرۆک فراکسیۆنوو پارتوو یەکسانی و دیموکراسیی گەلا (دەم پارتی) سەزای تەمەلی لە پەرلەمانەنە قسێش کەردێ و تیشکەش وستە سەروو گۆشەگیریی ڕابەروو گەلوو کوردی عەبدوڵا ئۆجالانی، کە ٤١ مانگێن هیچ زانیاریێوە بارەشۆ نییەن، ئاماژەش کەرد کە بە داواکاشا پەی ورگێرتەی گۆشەگیری.
تەمەلی ئاماژەش پانەیە کەرد، ئا باڵیۆزێ کە بەشدارێ با، جە جەمۆبییەی نەتەوە یۆگێرتەکانە جوابوو پەرسەکا نمەدانیوە و دەربارەو ئاستەنگکەردەی دیدارەکا ئیمرالیینە و سزایەکاو دیسپلینی واتش: "شاندێوی تازە مێ، یان هاگاداروو ڕەوشوو تورکیای نییەن، یا گەرەکشا نییەن بزانۆ، چا جواب نمەدانێوە، ڕاسییەکەش مشۆم بواچمێ "ئێمە یاسێ پاشێل مکەرمێ، ئێمە ددان بە دەوڵەتوو یاسێرە نمەنیەیمێ، چونکوم ئی سزێ کە مدریانە ئمێ بەروو یاسێ بو ئینسانبییەیوە ".
"پێویسا دایوسانان دەس پەنە بکەرۆ "
تەمەلی تیشکەش وستە سەروو داواو ٦٩ بریاوەکاو خەڵاتوو نۆبڵی، کە پەی ئازادیی جەستەیی ڕابەروو گەلوو کوردی عەبدوڵا ئۆجالانی نامێشا پەی ڕێکوزیا میاننەتەوەییەکا و سەرۆککۆماروو تورکی تەیب ئەردۆگانی کیانان و واتش: "داوا مکەرا کە ئۆجالان ئازاد بکریۆ و دایوسانای دەس پەنە بکەرۆ، ئێمە پەشتگیریی جە قسەکاشا مکەرمێ".
دیمەنوو ئا ژەناشە نیشانە دا کە هورپڕێنێ
تەمەلی ئا ژەنێشە نیشانە دێ کە بۆنەو هورپڕایوە گیریێنێ و پارێزگاروو سێرتی ئینە کە ئی ژەنا کەردەن بە تێکدای ئارامیی شارەکەی ئشناساش و واتش:" ئی ژەنێ بۆنەو هورپڕایوە گیریێنێ، ئی سەپنایە مێرسینەنە دەسش پەنە کەرد و ئاگرینە بەردەوام بی، ئیساتێ سێرتەنە ڕووە مدۆ، شانۆکێ قەدەغێ کریێنێ هجووم کریان سەروو گۆرانیواچە کوردا. دەسەڵات واچێ 'ئێمە ئاستەنگەکاو وەردەموو زوانی کوردیما لابەردێنێ و تەلەفزوێن، ڕادوێن، شانۆ هەنێ، گۆرانیێ کوردیێ ئاهەنگەکانە موچیاوە، هیچ قەدەغێوە نییەن" فرەو جارا باسوو قەدەغەکەردەی کەرێنمێ خاسا ئینێ کە گیریێنێ بە گۆرانیێ کوردیێوە گیریێنێ و هورپڕێنێ ؟ چیوێ چانە بۆ؟".
