ڕۆنامەوان –نویسەرە بەرین سۆنمەزە سەبارەت بە کۆنسێپتوو هجووموو ئەرەگیریی هەمەنۆعەی پەی سەروو دەسکەوتە کولتووری و هەرێمییەکا و دژایەتیکەردەی وەراوەروو وێراوەبەریی کوردا، عێراق و ئێران و سوریانە و کاریگەرییەکاش سەروو سیاسەتی کوردی پەی ئاژانسوو هەواڵوو فوراتی دوا.

بەرین سۆنمەزە ئەرەیاوناش، دەوڵەتوو تورکی گەرەکشەن گردوو دەسکەوتەکاو کوردی لاواز بکەرۆ و دلێشانە بەرۆ و واتش: "کوردێ جە ٧ ساڵیوە تا ٧٠ ساڵی بە گرد لەونێ سیاسیێ کریێنێ و مدرامانی گەورە مکریۆ و بێگومان دەسەڵاتدارێ مەڕیا."

بەرین سۆنمەزە سەرنجەش پەی سەروو لەشکرکێشییەکاو دەوڵەتوو تورکی کێشتە کە چی دمایاوە زیادێ بیێنێ و واتش : "قەراربەدەساو تورکی، گەرەکشا نییەن کورد عێراق و سوریانە ئۆتۆنۆمی دەس وزۆ و بەردەوام وەراوەروو ئینەیە کاردایوەشا بییەن و نیسانەشا دان. ئامانجشا ئانەنە پەکەک دلێ خاکوو عێراقینە کاریگەری و هاموشۆش نەبۆ. ئینەن ستراتیجوو تورکی و ڕا نمەدۆ قەوارەو فیدراڵیبییەی قەوەتتەر بۆ و سیاسەتوو ئۆتۆنۆمی پەرە پسانۆ، ئامنجشەن پەکەکەی جە جەماوەرەکەیش دوور بوزۆوە و لاوازش بکەرۆ و تا بەئاسانی تورکیانە سیاسەتی کوردی کۆنترۆڵ بکەرۆ."

ئینجا ڤبەرین سۆنمەزە سەرنجەش واتە سەروو هجوومەکاو دەوڵەتوو تورکی دژوو هونەر و کولتووری کوردی و واتش:" دژایەتیی نویستەیە کوردییەکا مکریۆ و بەڕۆسنی کاردیوەی نەتەوەپەرسی نیشانە مدریۆ و بە بەهانێ درووشمی و گۆرانییاوە هجووم مکریۆ سەروو هورپڕای کوردی، ئانێ مەلەوانگەکانە هجووم مکەرا سەروو ژەنا و پارکەکانە سەروو زارۆڵا و سەروو هونەری کوردی هامشێوەو کاردایۆ سەلەفییەکاو (هودا-پار)ین."

'گێرا جمیەری سیاسی کوردی بە دەسوو دەوڵەتی بنیات بنریۆ'

ئینجا بەرین سۆنمەزە باسوو هجوومە ئەرەگیرییەکاو سەروو پانیشتیش کەرد و واتش کە تورکیا گەرەکش نییەن وێڕاوەبەریی کوردی عێراقی فیدراڵەنە بۆ ئەرەیاوناش :" گێرا دەوڵەتوو تورکی گەرەکس نەبۆ کورد متمانێش بە بییەی فیدراڵی بۆ. ڕاگێری جە باوەڕیوی چانەیە سیاسەتوو دلێ تورکیاینە، بە ئاسانتەر موینیۆ، تا شیوازوو چارەسەروو کێشەو کوردی. بەتایبەت گەرەکشەن پێسە متمانێ بەینوو سیاسەتی کوردی و سیاسەتمەداراو کوردی بماڕۆ و جمیەری سیاسیی کوردی، لاو دەوڵەتیوە بنیات بنریۆوە، ئینە سیاسەتێوە سەرەسڕمەنا، چی وەڵاتنە کورد جە ٧ پەی ٧٠ ساڵیوە سیاسیێ کریێنێ و مدرامانی گەورە مکەرا."

'دەسەڵات گەرەکشەن سزاو دەنگدەرە کوردا بدۆنە'

بەرین سۆنمەزە واتش: "حکومەت گەرەکشەن بۆنەو شکسیشۆ هورچنیەیەکانە، سزاو گەلوو کوردی و دەنگدەراش بدۆنە و واتش، ڕەنگا پی فشارە کولتوورییا گەرەکشابۆ دەنگدەراو کوردی سەروو ئیرادەی سیاسیشا سزا بدانە."

'ئۆپۆزسیۆن وەراوەروو هجووموو سەرووو کورداوە بێدەنگییش هورچنییەن'

بەرین سۆنمەزە سەروو بێدەنگییەکاو ئۆپۆزسیۆنی ناڕەزایەتییش نیشانە دا و ئاماژەش پانەیە کەرد، کە چەنی وەراوەروو دەسملەرەگێرتەی شارەوانیی وانی، جوابی هابەش دریاوە، جوابوو ئا هجوومایچە بدریۆوە.