ناوەندوو ئەرەیاونای هێزەکاو سووریای دیموکراتیک (قەسەدە)ی واتشا ٢ جەنگەوانێشا بە نامەکاو ڕامان (سائیر ئەسعەد موعەجەل)ی و سەیدۆ (محەمەد حەسەن سەید)ی جە جوابدایوە هجوومەکاو گرووپوو دیفاع وەتەنی و گرووپەکای تەروو سەر بە حکومەتوو شامی هەرێمەکاو دەگایەکاو وەرکەوتوو دێرەزوورینە گەشمەردێ بیێ.

ئەرەیاونایەکەو قەسەدەینە ئامان " جە جوابدایوە هجوومەکاو گرووپوو دیفاع وەتەنینە و گرووپەکای تەروو سەر بە حکوومەتوو شامی هەرێمەکاو گوندەواروو دێرەزوورینە ٢جەنگەوانێما گەشمەردێ بیێ کە ڕامان (سائیر ئەسعەد موعەجەل) و سەیدۆ (محەمەد حەسەن سەید)  و تا گەشمەردەبییەی مدرامانێوی گەورەشا کەرد".

قەسەدە سەرەوەشییش وەنەو بنەیانەو هەردووە گەشمەردەکا و تەماموو بنەیانە و گەشمەردا کەرد و ماچۆ:" وەعدوو درێژەدای بە ڕاو گەشمەردا و هەقسانایوە و پارێزنای ئارامی و سەقامگیریی هەرێمەکەیما ئەوەخوای مکەرمێوە>

زانیاری دەربارەو شناسنامەو گەشمەردەکا:

شناسنامێ: ڕامان

نامێ و دمانامێ: سائیر ئەسعەد موعەجەل

نامێ ئەدێ: ئەمەل

نامێ تاتەی: ئەسعەد

شۆنە و وەختوو پەیدابییەی: دەیرەزۆر-کیسرا/٢٠٠٠

شۆنە و وەختوو گەشمەردەبییەی: زیبان- ٧/٨/٢٠٢٤

شناسنامێ: سەیدۆ

نامێ و دمانامێ: محەمەد حەسەن سەید

نامێ ئەدێ: زەهرا

نامێ تاتەی: حەسەن

شۆنە و وەختوو پەیدابییەی: حەسەکە/٢٠٠٢

شۆنە و وەختوو گەشمەردەبییەی: زیبان- ٧/٨/٢٠٢٤