فەرماندێ یەژاستاری دەلیلە دەڤریمە بەبۆنەو ساڵیادوو هەڵمەتەو ١٥و ئابیوە، قسێش پەی ئاژانسوو هەواڵوو فورات (ANF)ی کەردە.

دەلیلە دەڤریمە ئەرەیاوناش هەڵمەتەو ١٥و ئابی بییە بە پەیدابییەێوی تازە پەی ئینسانی و واتش: "ئەوەڵ هەڵمەتەو ١٥و ئابی وەنەو ڕابەر ئاپۆی و هامڕا گەشمەرداو شۆرشی و گەلی وەڵاتپارێزنیما مەبارەک مکەروو. سەبەبێ فرێ بێنێ پەی سەرەوردای هەڵمەتەو ١٥و ئابی.  چونکوم چا سەردمەنە گەلوو کوردی کەوت وەروو هجووموو قڕکەردەی  و کۆکوشیی کولتووری. پەوکای ئەوەڵ فیشەک کە هامرا عەگیدی ١٥و ئابینە تەقنا، ماناو هومێدی بێ پەی گەلوو کوردی. سیاسەتوو قڕکەردەی کولتووری، کە ئەرەگیرا پلانەشا پەی متەبێرە بێئەنجام مەنۆ. دوژمن ئیتر جە هەقیقەتوو کوردی یاوانەنە، کورد کولتوورێوە سەرەوردەرا و کۆیلایەتیی بە قابلوو وێش نمەزانۆ. وەختێ تەماشەو تارێخی مکەرمێ موینمێ کورد سەرەمڕ دژوو سیاسەتوو سڕیەیوەی و نکۆڵی مدرامانش کەردەن و کوردێوە فرێ چی ڕێنە کوشیێنێ. ڕۆشنتەرین نموونەیچ کۆکوشیی دێرسیمی و زیلانین. ئانە کە گەرەکمەن بواچووش ئینەنە، ئەرەگیرێ سەرەمڕ دژوو کوردی سیاسەتی قیزەونشا پیادە کەردەن، بەڵام کورد هەرگیز کەلتوورو وێش جەدەس نەدان، بە ئامای پەکەکەی کولتوورو مدرامانی ئاندەی تەر چالاکتەر بی، ئینە سەیەو ڕابەر ئاپۆیوە ئاما دی. ڕابەر ئاپۆ داری وشکۆبییەش واوەی سەوز کەردۆ".

"ڕاو ئەوەڵ فیشەکیوە دیواروو تەرسێ وڕیا!"

دەلیلە دەڤریمە ئەرەیاوناش گۆشگێرتەی جە گۆرانییە کوردییا قەدەغە مکریۆ و واتش: " وەڵتەرێ یانەکایچەنە گۆشگێرتەی جە مۆسێقای کوردیی قەدەغە بێ، وەلێ سەیەو ڕەنجوو ڕابەر ئاپۆی و سەرمەشقایەتیی هامڕا عەگید بۆتانینە ئەوەڵ فیشەک نریا دڵوو دوژمنیوە و دیواروو تەرسێ وڕیا. ئینە بی بایسوو هەناسەورلووشتیوە پەی گەلوو کوردی و متمانێش بە وێش زیاتەرە بییە.ئیتر گەلوو کوردی پەی هەوەڵ جاری بە سوپاێوە قەوەتەوە کەوتێ شۆڕشگێڵنای. گەلوو بۆتانی چی هەڵمەتێوە هێزشا هورگێرت و جادەکانە مدرامانشا کەرد. دەوڵەتی ستەمکاروو تورکی پی مدرامانەیە سەرەش سڕ مەن و کەوت چەوسنایوە خەڵکی. بەڵام گەلوو کوردی سازشش سەروو مدرامانەکەیش نەکەرد. دەوڵەتی ئەرەگیروو تورکئ کە هێزەکەش بەشوو ئانەی نەبێ وەراوەروو مدرامانوو گەلیوە بمدرۆ، کەوت بەکارئاوردەی ڕا و ڕێبازی قیزەونی. هەوڵێش دێ کوردی بدۆ گژێ یۆترینیرە، پەی ئینەیە سیستمێوە جەردەوانییشآ ڕاو ئا کورداوە ئەرەمەرزنا کە بە چند فلسیوە وێشا مورەشانە. دەوڵەتوو تورکی خاس زانێ کە نمەتاوۆ وەراوەروو هێزوو کورداوە وێش بگێرۆ پەکای هەوڵێسدێ کوردی بکەرۆ گژێ یۆترینیرە و چێچەنە سەرنەکەوت. چونکووم ئیتر گەلوو کوردی بییەی وێش هەقیقەتوو پەکەکەینە وێستۆ و گرد کوردیوە بەشەرەف بی بە ئەنداموو پەکەکەی. پەی ژەنە کوردایچ ڕاێوە پەی ئازادیی ژەنا کریاوە. ژەنی دلێ گلێرگەینە ڕووبەڕووی زهنیەتوو کۆیلەکەردەی بێنێوە و حساب پەی ژەنێ نەکریێ، دلێ گلێرگەینە بە نەبیێ حساب کریێ کە وجوودش نییەن، وەلێ دماو هەڵمەتەو ١٥و ئابیوە هەزارا ژەنێ لوێ ڕیزەکاو پەکەیوە، ئیتر ١٥و ئابی پەی گرد لایێوە بی بە یاگێ هومێدی".

"بەرخۆدانی گەریلا مەزنتر بوو، دەوڵەتی تورک داڕما"

دەلیلە دەڤریمە قسەکێ دەوڵەوتوو تورکیش یادە وستۆ کە ماچۆ" دماییشا ئاما، دلێشانە بەرمێ" و واتش:" ڕاسینە ئادێ وڕێرە و دماییشا ئاما، کە کەس باوڕش بە دەوڵەتوو تورکی نەمەنەن و تەنیا فاشیسەتەکێ باوڕ پا قسا مکەرا، ڕاسیێوە ئاشکران کە دەوڵەتوو تورکی وەراوەروو پەکەکەینە وڕانەرە و بێقوە بییەن مشۆم دەوڵەتوو تورکی ئینەیە بزانۆ کە پەکەکە دماییش نمێ، ڕابەر ئاپۆ زەمینیوە قەوەتش پەی پەکەکەی ئەرەمەرزنان و پارادایموو ڕابەر ئاپۆی مگنۆ وەڵێ و قەوەت مبۆ.

ئیتر گەریلا  پڕۆفیشناڵێنێ، ڕوانە گورزی قورس وەنەو دوژمنی مدانە و حرچندە دەوڵەتوو تورکی جاپەمەنینە وەڵاش نمەکەراوە، وەلێ گرد لایوە ئی راسییە مزانا، مزانا کە دەوڵەتوو تورکی وەردەموو گەریلاینە بێچارەن  بە هەواڵێ ساختێ دڵشا وەش مکەرا. پەوکای گرد ڕوێ نامێ سەروازە مەردەکا چاپەمەنی جەنگی تایبەتینە وەڵا مکەراوە و کە نیسانێ بێچارەییشانە، ئێمە بە ڕۆعوو هامرا عەگیدی دوژمنما ماڕا، ئیسە گرد گەریلاێوە عەگیدا، تا ئی ڕۆحە بەردەوام بۆ دەوڵەتوو تورکی وەردەموو گەریلاینە شکس مارۆ".

"پەنەوزا جەنگوو گەلی شۆرشگێڵنی دژوو ئەرەگیرا و هامکاراشا گەورە بکەرمێ"

دەلیلە دەڤریمە تیشکەش وستە سەروو هجوومە ئەرەگیرییەکا و مدرامانی و واتش:" وەختێ ئینسان سەرنجە مدۆنە جەنگوو ئی سەردەمەیە، موینۆ کە دەوڵەتی ئەرەگیروو تورکی ئا سیاسەتە قیزەونە دماو ١٥و ئابیوە دژوو کوردی مکەرۆش، ئیسە بە پەدەکیش مکەرۆ، پەدەکە مگنۆنە وەڵێ ئەرەگیرا، چەنی نەوەدەکانە دەوڵەتوو تورکی جەردەوانێش ئەرەمەرزنێ و گەلوو کوردیش کۆکوش کەرد، ئیسە ئینەیە بە پەدەکەی مکەرۆ ئینێ گرد ئینێ وەرەچەماوە، گرد لاێوە جەنگوو پانیشتوو کوردسانی موینا، دەوڵەتوو تورکی بە دەسوو پەدەکەی دەگایەکا چۆڵێ مکەرۆ و سۆچنۆشا، بە ڕاپەنەدای پەدەکەی و بە فڕۆکەی بێفڕۆکەوان خەڵکی مەدەنی مکوشۆ و کوردێ ئەنفاڵێ مکەرۆ و خەڵکی ناچار بە کۆچی مکەرۆ و چەتێ یاگێشانە منیۆرە.

ئی گەمە قێزەونا ماڕمێ کە دەوڵەتوو تورکی بە دەسوو پەدەکەی مکەرۆشا، پیسە واتم ئێمە هێزێوەنمێ هامڕای فەرماندەی گەورەی عەگیدی خولقنێنمێ، بێگومان سەرێمگنمێ، با گەلەکەما باورش پینەیە بۆ، پیوە جەنگوو گەلی شۆرشگێڵنی مکەرمێ و نمازمێ ئەرگیرێ کوردسانی داگیر بکەرا، پەوکای مسۆم چوارپاچەو کورسانێ وەرپەرسێ با و چەنی گەریلای پیێوە دژوو دوژمنی بگژیا، سەرکەوتەی پەی ئێمەن سەیەو ئی یۆبییەیوە، گۆشەگیریی سەرو ڕابەر ئاپۆی مەڕیۆ و کوردستان ئازاد مبۆ".