شاروو فرانکفۆرتوو ئەڵمانیاینە پەی ئازادیی جەستەیی ڕابەروو گەلوو کوردی عەبدوڵا ئۆجالانی چالاکیی خێمەوردای کریا. چالاکییەکە بە سەرمەشقایەتیی فەجەدەکە-کاوەی دەسش پەنە کەرد.

چالاکییەکەنە پانکارتێ و پۆستەرەکێ بە داواو ئازادیی ڕابەروو گەلوو کوردی عەبدوڵا ئۆجالانی ورواسیێ، وەڵاکریێوێچ بە زوانی ئەڵمانی ونیێوە و دمایی لاو گەنجاوە بەشێ کریێ.

دمایی بە نامێ فیدراسیۆنەکەیوە وتێوە پێشکەش کریا، ئاماژە پانەیە کریا، زیاتەر جە ٤١ مانگان زانیاریی دەربارەو ڕابەروو گەلوو کوردی عەبدوڵا ئۆجالانی نییەن.

هەرپاسە ڕەخنە گیریا جە بێدەنگیی کۆمیتەو ڕاگێری جە ئەشکەنجە (سی پی تی) و وەڵاتاو ئەنداموو کۆنسەو ئەورووپای وەراوەروو پاشێلکارییەکاو مافوو ئینسانی.

چالاکیی خێمەوردای، یۆن چا چالاکییا چندین شاراو ئەورووپای پەی ئازادیی ڕابەروو گەلوو کوردی عەبدوڵا ئۆجالانی مکریۆ، ڕۆو چوارشەممەی فرانکفۆرت و ڤیسبادنە چالاکییەکە بەردەوام مبۆ.

چالاکییەکێ سەعات ١١:٠٠ پەی ١٦:٠٠ مکریانە.