ئەرەیاۋناو مېیانی ئەرەیاۋنای و چاپەمەنی هەپەگەی پی جۆرەنە:

"جە مابەینوو ٧-١٠و ئابی جە لایەنو سوپاو تورکی ئەرەگیریوە جە هەرێموو گلیداغینە ئۆپراسیۆنێوە ۋەرفراوان و هرووژم و دژمنی ئەنجامدریا. جە مابەینوو ئەرەگیرانە و هێزەکامانە جەنگ ئاما ئاراوە، هێزەکێما بە چالاکی کاریگەر ۋەرپەرچو ئا هرووژماشا داوە. جە جەنگەکەنە بە تاکتیکو سابۆتاژی گورزەی گۆرۍ جە ئەرەگیرا شنیا و زەرەری فرە ۋەرو دژمنی کۆت. چنی یاوای زانیاری زیاتەری پەی گەلە وڵاتپارێزنەکەیما و رای گرڎیی وەڵاش مکەرمېوە.

چا جەنگەنە کە ٨و ئابو ٢٠٢٤ جە هەرێموو گلیداغینە ئاما ئاراوە فەرماندۍ ئەیالەتو سەرحەدو یەژاستاری، ئەندامەو دەسەی ڕاوەبەری هەپەگەی و یەژاستاری بەروار دێرسیمە بە قارەمانی جەنگش کەرد و گەشمەرڎۍ بییە.

هەمڕێما بەروارە کە ئەوینو ئازادی، وەشەسیایی وڵاتی و هۆگریی پەی گەلەکەیش کەرد بە ڕانیشاندەرو مەژگی و دڵو ۋێش، ژەنێوە کورڎە بۍ کە خاوەن ئازایەتی و جە ۋۍ ۋییەرڎەیۍ گۆرەی بۍ. هەمڕێما بەروارە کە پەی دۆزو بیە و ئازاڎیی گەلەکەیما رووەش کەرڎە کەشەکا، بە شناسنامە و راسی ژەنۍ ئازاڎۍ ۋێش یاونا حەقیقەتی و بە ئایدۆلۆژیای ئاپۆیی سەرجەنۆ ۋێش خوڵقناوە. چنی ئامێتەکەردەو خاڵە ئەرێنیەکا جەنگاوەری ئاپۆیی و بنەماکاو ژیۋای ئازاڎی جە کەسایەتی ۋێشەنە و زیاتەر وەڵێوستەیشا، قەوەتە بیە، زەریف بیۍ بۍ بە شۆڕشگێڵنێوە قارەمانە. ویست و پاگیری شۆڕشگێڵنانەو ۋێش گەورەکەرد و بەشداریش جە هێزە تایبەتەکانە کەرد و بېیە بە جەنگاوەرێوە و فەرماندێوە فیدایی ئاپۆییە. ڕاپیماو شۆڕشیش پېسە ئانەی جەکۆڕو زەماۋنۍ و هۊرپڕاینە بۆ، بەردەوام بە جۆش و خرۆش، ورە و دڵوەشیۆ درێژەپنەدا. جە دژوارتەرین مېڎانەکا سەرنیشتوو کورڎەسانینە تا هەرێمەکاو پارېزنای مەدیای جە گرڎ شۆنێنە ئەرەکۊشا. دمایین جار جە ئەیالەتو سەرحەدینە ئەرکو فەرماندەیی ئەیالەتو یەژاستاریش ئەستۆنە بۍ. پەی ئانەی گەریلایەتی مۆدێرنیتەی دیموکراتیک، تاکتیکی تازەو سەردەمیانە و شێوازو جەنگو تیمە پسپۆڕەکا بە سەرکۆتەیی بیاونۆ ئەنجام، بەشیوێوە بێ کۆتا جە ۋۍ ۋییەردەیش کەرد هەمڕێما بەروارە کە ئەویندارەو قولەپۊپۍ کەشەکاو کورڎەسانی بۍ بە وەشەسیایێوە فرۆ هەنگامە نیۍ، بەرەو قولەپۊپەو کەش و ئاگری بەرزەبیۆ بە نامەکۍ تەریشۆ واتە گلیداغ و ئاڵاو ئەرەکۊشای ۋێش چا شۊکناوە. هەمڕێما بەروارە گرڎو بیەو ۋێش پەی ئازاڎیی گەلەکەیما و گرڎو ژەنا بەختە کەرد، ۋەرپرسیاری تاریخی ۋێش جە گرڎ شۆنێنە بە شێوۍ شایسە بەیاگۍ یاۋنا و سەلەمناش کە فەرماندێوە و شۆڕشگێڵنێوە سەرمەشقەنە.

هەمڕێما بەروارە کە جە گرڎ ساتێوە ژیۋایشەنە وەنەو ژیۋای ئازاڎی و هەمڕای حەقەتینەیش بە هەمڕایاش دا و مامۆسێوە گۊرۍ بۍ، بە ئازایەتی، هەڵوێس، بەشداربیەی، فەرماندەیی و گەشمەرڎەبیەیش گرڎ کاتۍ بۆنە بە رانیشاندەرەما. قەول مڎەیمۍ کە حەجگیز فەرماندە بەروارۍ کە خاوەن ئیراڎێوە پۆڵایینە بۍ جە یاڎە نەکەرمۍ، دەنگی دلێر و ئاڵاو بەروارەکا جە قولە پۆپۍ کەشەکا کورڎةسانینە نەبڕمۍ.

سەرو ئا بنەمایۍ سەرەوەشی جە بنەیانەی وڵاتپارێزنو هەمڕاکێما، گەلوو سەرحەدی و گرڎوو گەلوو کورڎەسانی مکەرمۍ.

شناسنامەو هەمڕا گەشمەرڎەکێما پی جۆرەنە:

ناسنامۍ /بەروار دێرسیم

نامۍ و دما نامۍ /سەیران چۆماک

شۊنەماو جە ئەڎابیەی /وان

نامۍ ئەڎۍ و نامۍ تاتەی /مەهناز- سوڵتان

شۊنەماو کاتوو گەشەمەرڎەبیەی /٨و ئابو ٢٠٢٤/ سەرحەد